Viadučy i hienieralny pradziusar prahramy «Što? Dzie? Kali?» Barys Kruk u intervju haziecie «Moskovskij komsomolec» raspavioŭ, što dvuchrazovy ŭładalnik «Kryštalnaj savy» i ŭładalnik «Bryljantavaj savy» advakat Illa Novikaŭ pavinien pakinuć kłub znaŭcaŭ. Kruk patłumačyŭ heta tym, što Novikaŭ abaraniaŭ u sudzie ŭkrainskuju vajskoŭku Nadzieju Saŭčanka.
Kruk, adkazvajučy na pytańni haziety, adznačyŭ, što Novikaŭ pierad tym, jak jon pačaŭ abaraniać Saŭčanka, pavinien byŭ vybrać, što dla jaho važniej — kłub znatakoŭ abo palityčnaja karjera.
«Zrazumiej, kali ty abaraniaješ Saŭčanka i ty hulec «ČHK», to, značyć, «ČHK» — taksama za Saŭčanka», — patłumačyŭ viadučy prahramy, dadaŭšy, što prahrama «Što? Dzie? Kali?» pa-za palitykaj.
Na pytańnie ab tym, ci pavinien Novikaŭ syści, Kruk adkazaŭ «biezumoŭna». «Spačatku raźvitajsia z nami, a potym zajmajsia Saŭčanka», — skazaŭ jon.
Novikaŭ upieršyniu vystupiŭ u televizijnaj viersii «Što? Dzie? Kali?» ŭ 2002 hodzie. U 2004 hodzie i ŭ 2014 hodzie jon atrymlivaŭ ŭznaharodu «Kryštalnaja sava» — pryz najlepšamu hulcu kamandy, jaki ŭručajuć u kožnym kancy siezonu. U 2014 hodzie jon atrymaŭ «Bryljantavuju savu» — uznaharodu, jakuju ŭručajuć najlepšamu hulcu pa vynikach hoda. Apošni raz za stałom znaŭcaŭ Novikaŭ hulaŭ u śniežni 2015 hoda ŭ składzie kamandy Alesia Muchina.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy1
Kamientary