Pavodle materyjałaŭ kryminalnaj spravy, 16 žniŭnia na vulicy Studenckaj u Pinsku pablizu charčovaj kramy, dzie arhanizavany razdrobny handal pradukcyjaj, vyraščanaj na prysiadzibnych učastkach, padčas raźliku za pamidory 59-hadovaj žančynie była pieradadzienaja 5-rublovaja (denaminavanaja) padroblenaja kupiura. Žančyna adrazu ž stała kryčać, što pakupnik daŭ joj falšyvyja hrošy. Pakupnik, 15-hadovy padletak, pačaŭ uciakać razam sa svaim 20-hadovym zvodnym bratam. Ale pablizu byli milicyjanty i zatrymali maładych ludziej. U starejšaha brata znajšli jašče try piacirubloŭki ŭzoru 2009 hoda, jakija vyklikali sumnieńnie ŭ sapraŭdnaści.
Sa słoŭ 15-hadovaha chłopca, brat paprasiŭ kupić harodniny, kab raźmianiać padroblenyja hrošy. Taksama vyśvietlena, što 20-hadovy padazravany raniej prasiŭ padletkaŭ kupić sabie čypsy, a asobam, jakija złoŭžyvajuć śpirtnymi napojami, jon kala kram davaŭ hrošy na vino. Reštu paśla zabiraŭ.
Dziejańni uradženca Pinska 1996 hoda naradžeńnia kvalifikavanyja śledstvam pa č. 1 art. 221 (vyrab i zbyt padroblenych hrošaj) Kryminalnaha kodeksa. Raniej padśledny nieadnarazova pryciahvaŭsia da kryminalnaj adkaznaści za złačynstvy karyślivaj skiravanaści. U časie pieratrusu zdymnaj kvatery maładoha čałavieka vyjaŭlena šmatfunkcyjanalnaja pryłada i 5 kupiur naminałam u 200 tys. niedenaminavanych rubloŭ, jakija taksama vyklikali sumnieńnie ŭ sapraŭdnaści. Jak patłumačyŭ padśledny, jon ažyćciaŭlaŭ zbyt tolki 5-rublovych i 20-rublovych denaminavanych kupiur. Padazravany ŭziaty pad vartu.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary