Asnoŭnyja padziei Dnia horada projduć kala Pałaca sportu i ŭ Vierchnim horadzie
Asnoŭnyja padziei śviatkavańnia 949-hodździa Minska projduć 3 vieraśnia i buduć skancentravanyja na placoŭcy kala Pałaca sportu i ŭ Vierchnim horadzie, paviedamiła na pres-kanfierencyi 24 žniŭnia pieršy namieśnik načalnika hałoŭnaha ŭpraŭleńnia ideałahičnaj raboty, kultury i pa spravach moładzi Minharvykankama Vitalina Rudzikava.
U 11 hadzin adbudziecca ŭračystaja cyrymonija ŭskładańnia kvietak ad kiraŭnictva horada i minčan da abieliska «Minsk — horad-hieroj» na płoščy Pieramohi. Tut ža budzie dziažuryć Hanarovaja vachta pamiaci.
Tradycyjnaja ŭračystaja cyrymonija šlubu dzieviaci par z usich rajonaŭ horada pačniecca ŭ kancertnaj zale «Vierchni horad» u 12.00. U hety ž čas kala Pałaca sportu adkryjecca śviatočnaja prahrama «Moj Minsk, u sercy ty adziny!» z udziełam tvorčych kalektyvaŭ i majstroŭ mastactvaŭ Biełarusi. Budzie pracavać vystava-kirmaš majstroŭ narodnaj tvorčaści «Horad majstroŭ», projduć majstar-kłasy pa pryhatavańni straŭ biełaruskaj kuchni, na scenie vystupiać staličnyja kavier-bendy.
U druhoj pałovie dnia muzyčnuju prahramu «Kłasika lubimamu horadu» pradstavić Dziaržaŭny simfaničny arkiestr pad kiraŭnictvam Alaksandra Anisimava. Taksama na śviacie vystupiać zorki biełaruskaj estrady, u tym liku Dźmitryj Kałdun, hrupa «Drazdy» i inšyja.
Uviečary ŭ teatry opiery i baleta ŭznaharodziać pieramožcaŭ konkursu «Minčanin hoda», zatym adbudziecca kancert artystaŭ biełaruskaj opiery.
Zavieršycca dzień muzyčna-piratechničnym fiejervierk-šou (pačatak u 22.00).
Taksama ŭ dni śviatkavańnia 949-hodździa Minska z 1 pa 12 vieraśnia pa ŭsim horadzie projdzie šerah vystavačnych prajektaŭ, spartyŭnych spabornictvaŭ, fiestyvalaŭ, turniraŭ, dabračynnych akcyj, rajonnych mierapryjemstvaŭ.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary