U paniadziełak u Francyi šafiory-dalnabojščyki i fiermiery pačali błakavać ruch na hałoŭnaj mahistrali, jakaja viadzie da horada Kale, u vakolicach jakoha znachodzicca sumna viadomy łahier dla biežancaŭ, što atrymaŭ nazvu «Džunhli».
Da demanstracyi pratestu, jakaja patrabuje zakryćcia łahiera, dałučylisia ŭładalniki miascovych kram, rabotniki porta, a taksama prafsajuzy.
Pratestoŭcy sfarmavali žyvy łancuh praz šašu, jakaja viadzie da Jeŭratunela i porta Kale, adkul vychodziać paromy ŭ Brytaniju.
Sotni demanstrantaŭ z płakatami, što zaklikali zakryć łahier dla biežancaŭ, sabralisia na padjezdach da Jeŭratunela i partovaha terminała.
Łahier, pa słovach udzielnikaŭ pratestu, zaminaje narmalnamu žyćciu horada.
Šafiory hruzavikoŭ zajaŭlajuć pra pahrozy, što pačaścilisia z boku arhanizavanych band i asobnych mihrantaŭ, jakija sprabujuć zaleźci ŭ aŭtafurhony i nielehalna prabracca ŭ Brytaniju.
Fiermiery pakutujuć praz toje, što častka ŭradžaju akazvajecca źniščanaj z-za łahiera, jaki pastajanna pavialičvajecca ŭ pamierach, dzie žyvuć kala 7000 čałaviek z Sudana, Siryi, Erytrei i inšych miescaŭ.
U apošni čas stali pastupać paviedamleńni pra toje, što złačynnyja hrupy vypracavali novuju taktyku pierapraŭki mihrantaŭ u Brytaniju.
Brytanskaja hazieta Mail On Sunday apisała vypadak, kali ŭ mašynu ź jaje žurnalistami było naŭmysna kinutaje bierviano z metaj učynić avaryju i adciahnuć uvahu ad taho, jak mihranty buduć załazić u kuzaŭ hruzavika.
U žniŭni ŭ Bi-bi-si byli pakazanyja kadry, na jakich kantrabandysty śpiecyjalna błakujuć šašu pavalenym drevam, a zatym pahražajuć aŭtamabilistam. Pradstaŭnik najbujniejšaha ŭ Francyi prafsajuza hruzavych aŭtapieravozak FNTR Žan-Pjer Devinje skazaŭ, što pratestoŭcy majuć namier prademanstravać svaju niezadavolenaść situacyjaj, jakaja skłałasia, i patrabavać zakryćcia łahiera.
U lutym 2016 hoda francuzskija ŭłady złamali paŭdniovuju častku łahiera, sprabujučy skaracić kolkaść mihrantaŭ, jakija tam pražyvajuć, adnak jana znoŭ uzrasła, i ciapier demanstranty patrabujuć zakryćcia i paŭnočnaj jaho častki.
Mnohija francuzskija haziety cytujuć prezidenta Handlovaj asacyjacyi Kale, jaki skazaŭ: «My nie źnimiem zasłon z šašy da tych časoŭ, pakul ułady nie nazavuć nam dakładnuju datu, kali paŭnočnaja častka «Džunhlaŭ» budzie całkam źniščanaja».
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku21
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary