Nieabchodna mianiać farmat pracy dziciača-junackich spartyŭnych škoł. Takoje mierkavańnie vykazaŭ staršynia fiederacyi płavańnia Anatol Tozik siońnia ŭ čas sumiesnaha pasiadžeńnia kalehii Minsportu i NAK Biełarusi.
«Usie prysutnyja śpiecyjalisty sa sportu viedajuć, što treba rabić dla bolš efiektyŭnaha vystupleńnia na mižnarodnaj arenie, ale nie mnohija viedajuć, jak mienavita hetaha dasiahnuć. Prapanuju pačać z płavańnia. Na moj pohlad, nieabchodna mianiać farmat pracy dziciača-junackich spartyŭnych škoł, dać im bolš haspadarčaj samastojnaści. DIUSŠ pavinny sprabavać zarablać hrošy sami i vykarystoŭvać hetyja srodki dla zaachvočvańnia trenieraŭ, raźvićcia materyjalna-techničnaj bazy», — skazaŭ Anatol Tozik.
Pa słovach staršyni fiederacyi, u Biełarusi dosyć vialikaja kolkaść dziaciej nie ŭmieje płavać. «Usie my cudoŭna viedajem, što vydatnyja spartsmieny vychodziać z masavaha sportu, ale 40% školnikaŭ nie ŭmiejuć płavać. Bolš za pałovu rajonaŭ Biełarusi nie majuć standartnych 25-mietrovych basiejnaŭ», — adznačyŭ jon. Na dumku Anatola Tozika, budaŭnictvam basiejnaŭ u nievialikich nasielenych punktach mahła b zaniacca dziaržava, tady jak u bujnych haradach - pryvatnyja inviestary.
Na minułych letnich Hulniach u Rya-de-Žaniejra biełaruskija płyŭcy zavajavali adzin miedal. U finalnym zapłyvie na 50 m volnym stylem bronzavym pryzioram stała Alaksandra Hierasimienia.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku34
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary