Maładyja aŭtary, jakija pražyvajuć na terytoryi Biełarusi i pišuć na ruskaj abo biełaruskaj movie, zaprašajem vas uziać udzieł u tvorčym spabornictvie!
Vydaviectva «Rehistr» adkryvaje čarhovy, piaty, siezon unikalnaha litaraturnaha konkursa «Piervaja hłava». Tradycyjna pryjom rabot pačynajecca z 3 kastryčnika i ŭ lutym nastupnaha hoda pieramožcy buduć uračysta ŭznaharodžany na Mižnarodnaj knižnaj vystavie-kirmašy ŭ Minsku.
Da ŭdziełu ŭ konkursie dapuskajucca niavydadzienyja tvory niezaležna ad udziełu ŭ inšych konkursach (u tym liku ŭ konkursie «Piervaja hłava»). Pad vydadzienaj prozaj majucca na ŭvazie asobnyja tvory i zborniki tvoraŭ z prysvojenym mižnarodnym standartnym knižnym numaram (ISBN, International Standard Book Number).
U hetym hodzie konkurs projdzie pad słohanam «Anłajn. Biez kupiur». Usie kamientary, zaŭvahi, sprečki i abmierkavanni buduć tranślavacca na kanale YouTube ŭ režymie anłajn. Bolšaść dasłanych rabot atrymaje nie prosta acenku ŭ pratakole, a razhornuty kamientar ad kožnaha člena žury.
«Piervaja hłava» — konkurs, jakomu ŭłaściva absalutnaja adkrytaść, adsutnaść kułuarnasci i šyrokaja zvarotnaja suviaź z kankursantami ad arhanizataraŭ i žury.
Udzielnikam konkursu prapanavanyja dźvie naminacyi: «Vybar čytačoŭ» i «Vybar prafiesijnaha žury». Hałoŭny pryz konkursu — vydańnie knihi ŭ drukavanym i elektronnym vyhladzie, a taksama arhanizacyja rekłamnaj kampanii ŭ jaje padtrymku (sustrečy z čytačami i stvareńnie prafiesijnaha buktrejlera).
Pra konkurs
Litaraturny konkurs «Piervaja hłava» źjaŭlajecca aśvietnickim prajektam. Jaho hałoŭnaja meta — adkryćcio novych imionaŭ u litaratury, zaachvočvańnie tvorčaści aŭtaraŭ-pačatkoŭcaŭ Biełarusi, pradastaŭleńnie im mahčymaści pieršaj publikacyi i prasoŭvańnie ich tvoraŭ da čytača, a taksama zachavańnie biełaruskich litaraturnych tradycyj.
Siońnia «Piervaja hłava» — heta adzin z samych viadomych u Biełarusi litaraturnych konkursaŭ dla maładych aŭtaraŭ. Za čatyry hady isnavańnia ŭ im paŭdzielničała bolš čym 300 kankursantaŭ. U skład žury ŭvachodzili aŭtarytetnyja litaratary, žurnalisty, knihavydaŭcy, krytyki. Ź ich u minułych siezonach brali ŭdzieł: Tamara Lisickaja, Steła Čyrkova, Taćciana Siviec, Ludmiła Rubleŭskaja, Natalla Batrakova, Anatol Andrejeŭ, Andrej Žvaleŭski i Jaŭhienija Pasternak.
Pieršy siezon konkursu adbyŭsia ŭ 2012 hodzie. Tady pieramožcam staŭ užo viadomy siońnia piśmieńnik Ihar Palakoŭ z apovieściu «Prostranstva». U 2013 hodzie ŭ konkursie pieramahła Aksana Chvaščeŭskaja z ramanam «Nie lubov́». Nastupny ŭdzielnik, jaki atrymaŭ pieramohu, — Andrej Łazar z knihaj «Tavarystva knihalubaŭ». Pieramožca papiaredniaha siezona — Hanna Sieviaryniec z apovieściu «Dzień śviatoha Patryka».
Bolš padrabiazna ab prajekcie i praviłach ŭdziełu možna pračytać na sajcie konkursu abo na staronkach vydaviectva «Rehistr» u sacyjalnych sietkach.
Kamientary