Čerhi na biełaruska-polskaj miažy źmienšylisia, zatoje na vyjeździe ŭ Litvu — kałaps
Pra heta śviedčać źviestki Dziaržaŭnaha pahraničnaha kamiteta.
Pavodle infarmacyi na 14:00 u punkcie propusku «Bruzhi» na biełaruska-polskaj miažy ŭ čarzie na vyjezd ź Biełarusi znachodziacca 78 lehkavych aŭtamabilaŭ, u «Breście» — 100, u «Piasčatcy» — 50. Tym časam u «Bierastavicy» i «Damačavie» čerhi adsutničajuć jak na vyjezd ź Biełarusi, tak i na ŭjezd u krainu.
U punktach propusku na biełaruska-litoŭskaj miažy čerhi z transpartnych srodkaŭ pavialičylisia. Tak, u «Kamiennym Łohu» vyjezdu ŭ ES čakajuć 240 hruzavych aŭtamabilaŭ i 90 lehkavych, u «Pryvałcy» — 87 i 85 adpaviedna. 141 lehkavy aŭtamabil znachodzicca ŭ čakańni vyjezdu ŭ «Bieniakoniach», 80 — u «Katłoŭcy». Na vyjezd u Łatviju ŭ punkcie propusku «Hryharaŭščyna» stajać 170 hruzavikoŭ, va «Urbanach» — 115.
Jak raniej paviedamlałasia, polskija mytniki likvidavali zboj u abstalavańni, jaki staŭ pryčynaj čerhaŭ na miažy ź Biełaruśsiu. Pres-sakratar Dziaržpahrankamiteta Alaksandr Ciščanka 4 listapada paviedamiŭ ab pavieličeńni patoku transpartu na punktach propusku praź dziaržaŭnuju miažu, patłumačyŭšy heta tym, što mnohija pieranieśli svaje pajezdki z-za infarmacyi ab čerhach. U dadatak da hetaha patoku ŭ suviazi z doŭhimi vychodnymi dadaŭsia rasijski transpart, jaki davodzicca strymlivać i pieranakiroŭvać na bolš svabodnyja punkty propusku na bresckim kirunku. «Što tyčycca hrodzienskaha kirunku, tam abjechać składana. Tamu ludzi sutykajucca z prablemami čerhaŭ», — kanstatavaŭ jon.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary