Alaksandr Łukašenka patrabuje ad Administracyi prezidenta pryncypova źmianić styl pracy i naładzić bolš efiektyŭnuju rabotu z kadrami. Pra heta jon zajaviŭ 10 listapada, prymajučy z dakładam kiraŭnika Administracyi prezidenta Alaksandra Kosinca, paviedamlaje pres-słužba prezidenta, pieradaje BiełaPAN.
«U vas zanadta vialikaja zapazyčanaść pierad prezidentam pa prapracoŭcy kadravych pytańniaŭ. Pa subjektach haspadarańnia, vyznačalnych pradpryjemstvach faktyčna niama kiraŭnikoŭ nie adzin dzień i nie adzin tydzień», — skazaŭ Łukašenka.
Jon daručyŭ z 1 studzienia 2017 hoda pryncypova źmianić styl i sistemu pracy Administracyi prezidenta.
«Ja ŭviadu ŭ praktyku — a vy vaźmicie na kantrol — zasłuchoŭvańnie raz na kvartał kiraŭnictva administracyi, jakoje pryjdzie da mianie i raskaža niejkija novyja idei, — skazaŭ Łukašenka. — Nie prosta ślizhać pa nachilnaj, a idei. Prymu ja ich ci nie, heta ŭžo maja sprava i majo prava, ale idei hetyja pavinny być — ziamnyja, pryziemlenyja, niepryčasanaja. Hetyja idei pavinny być ad kankretnych ludziej. I pryčesvać ich na ŭzroŭni kiraŭnika administracyi i namieśnikaŭ ni ŭ jakim razie nielha. U inšym vypadku ŭsialakaja tvorčaść i svaboda dziejańniaŭ źnikaje ŭ dziaržaŭnaha słužačaha».
Pavodle infarmacyi pres-słužby, na sustrečy razhladałasia płanavańnie dziejnaści kiraŭnika dziaržavy, u tym liku ŭ śfierach kadravaj palityki, pytańniach sacyjalna-ekanamičnaha raźvićcia, nacyjanalnaj biaśpieki, mižnarodnaj dziejnaści. Abmierkavany prajekt adpaviednaha płana na 2017 hod. «Jon dastatkova nasyčany i ŭklučaje ŭ siabie jak užo nazvanyja napramki, tak i idei, maštabnyja mierapryjemstvy, jakija nieabchodna budzie razhledzieć na ŭzroŭni prezidenta, u častcy inviestycyjnaj palityki, raźvićcia ahrapramysłovaha kompleksu, radyjoelektroniki, budaŭničaha kompleksu. Padymalisia i pytańni raźvićcia sportu, adukacyi, navuki, žyllova-kamunalnaj śfiery», — havorycca ŭ paviedamleńni.
Na sustrečy taksama razhledžanaja realizacyja daručeńniaŭ, jakija raniej davaŭ Łukašenka pa raźvićci industryjalnaha parka «Vialiki kamień», mikrarajona Labiažy ŭ Minsku, budaŭnictvie kompleksu «Minsk-Mir», padrychtoŭki da II Jeŭrapiejskich hulniaŭ. U liku abmierkavanych pytańniaŭ byli i vykanańnie prahnoznych pakazčykaŭ, rehijanalnaja palityka.
Adnoj z tem dakłada stała aptymizacyja dziaržaŭnaha aparatu kiravańnia i kadravyja pytańni.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary