Pavodle pastanovy Savieta ministraŭ ad 23 listapada № 953 probny pierapis nasielnictva projdzie z 2 pa 13 kastryčnika 2017 hoda ŭ Maładziečanskim rajonie Minskaj vobłaści pa stanu na 2 kastryčnika 2017 hoda, paviedamiła pres-słužba ŭrada.
Dla kaardynacyi dziejańniaŭ respublikanskich orhanaŭ dziaržkiravańnia i inšych dziaržarhanizacyj, padparadkavanych uradu, miascovych vykanaŭčych i rasparadčych orhanaŭ pry arhanizacyi i praviadzieńni pierapisu nasielnictva stvorana časovaja respublikanskaja kamisija pa sadziejničańni pierapisu nasielnictva Biełarusi 2019 hoda.
Pastanovaj taksama zaćvierdžany pałažeńnie i skład dadzienaj kamisii. Jaje staršynioj pryznačany pieršy namieśnik premjer-ministra Vasil Maciušeŭski.
Jak paviedamlałasia raniej, pierapis nasielnictva Biełarusi projdzie 4—30 kastryčnika 2019 hoda. Adpaviedny ŭkaz Alaksandr Łukašenka padpisaŭ 24 kastryčnika.
Pierapis budzie praviedzieny šlacham apytańnia śpiecyjalna padrychtavanym časovym pierapisnym piersanałam. Va ŭkazie vyznačany pieralik katehoryj hramadzian, jakija pryciahvajucca miascovymi vykanaŭčymi i rasparadčymi orhanami ŭłady dla praviadzieńnia pierapisu nasielnictva. Pryciahvać časovy pierapisny piersanał płanujecca na biazvypłatnaj asnovie.
22 žniŭnia na pres-kanfierencyi ŭ Minsku staršynia Nacyjanalnaha statystyčnaha kamiteta Ina Miadźviedzieva paviedamiła, što ŭ chodzie probnaha pierapisu nasielnictva ŭ Maładziečnie buduć adpracavanyja technałohii jaho praviadzieńnia, jakija buduć vykarystanyja pry praviadzieńni nacyjanalnaha pierapisu 2019 hoda.
Pry hetym kiraŭnik Biełstata adznačyła, što hramadzianam, jakija nie zachočuć puskać damoŭ pierapisčykaŭ, budzie dadziena mahčymaść zapoŭnić pierapisny list na stacyjanarnym učastku.
Miadźviedzieva taksama paviedamiła, što pierapis nasielnictva budzie sumieščany z apytańniem pa viadzieńni sielskaj haspadarki.
Jana nahadała, što padčas pierapisu 2019 hoda ŭpieršyniu buduć vykarystany płanšety dla zapaŭnieńnia pierapisnych listoŭ.
Apošni pierapis nasielnictva Biełarusi prachodziŭ u 2009 hodzie.
-
Słava Kamisaranka raskazaŭ, jak žyvie, kali zastaŭsia biez rasijskaha hramadzianstva
-
Ajcišnika ź vialikim dośviedam asudzili za «finansavańnie ekstremizmu» i zbroju
-
Zamiest mietaładachoŭki — dubovaja dranica. U centry Viciebska na miescy milicyi adkryłasia kaviarnia ŭ biezdakorna adnoŭlenym 200‑hadovym budynku
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska4
Kamientary