Pres-sakratar prezidenta Rasii Dźmitryj Piaskoŭ zajaviŭ, što pytańnie prynaležnaści Kryma źjaŭlajecca absalutna niedyskusijnym. Takim čynam jon adkazaŭ na słovy Nadziei Saŭčanka datyčna dalejšaha losu paŭvostrava, piša rbc.ru.
Pa słovach Piaskova, pytańnie ab Krymie «źjaŭlajecca absalutna niedyskusijnym i biassprečnym dla Rasii». Adkazvajučy na pytańnie, ci moža Kreml upłyvać na kiraŭnictva niepryznanych DNR i ŁNR z metaj atrymać aficyjnaje pryznańnie Kryma rasijskaj terytoryjaj, Piaskoŭ adkazaŭ: «My nie abmiarkoŭvajem status, stanovišča i budučyniu rasijskich rehijonaŭ — heta nie pytańnie dla abmierkavańnia z kim by tam ni było».
Što tyčycca Danbasa, to Kijeŭ, pa słovach Piaskova, «sam admaŭlajecca ad hetaha rehijonu». Pa słovach pres-sakratara prezidenta Rasii, pra heta śviedčyć absalutnaja błakada ŭkrainskimi ŭładami hetaha rehijonu «ŭ płanie vykanańnia sacyjalnych abaviazacielstvaŭ, u płanie vypłaty piensij, u płanie zabieśpiačeńnia infrastrukturnaha i hetak dalej».
Jak padkreśliŭ Piaskoŭ, «Rasija jak kraina-harant robić usio mahčymaje, kab paŭpłyvać na baki hetaha kanfliktu, a heta jakraz rehijony Danbasa i Kijeŭ, kab jany vykonvali ŭziatyja na siabie abaviazacielstvy».
Napiaredadni Nadzieja Saŭčanka ŭ intervju telekanału «112 Ukraina» nazvała Krym «čarhovym Prydniastroŭjem», ad jakoha treba admovicca dziela Danbasa, kab «nie zrabić Prydniastroŭjem» jašče i hety rehijon.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary