Na karespandenta telekanała RT America Alaksandra Rubinštejna zaviedzienaja sprava ab udziele ŭ masavych biesparadkach. Rubinštejn byŭ zatrymany ŭ Vašynhtonie 20 studzienia, kali jon rabiŭ repartaž pra akcyi pratestu, jakija supravadžali inaŭhuracyju prezidenta ZŠA Donalda Trampa, piša «Mieduza».
Fihurantam spravy ab udziele ŭ masavych biesparadkach staŭ i jašče adzin žurnalist, zatrymany ŭ dzień inaŭhuracyi Trampa ŭ stalicy ZŠA, — Evan Endžeł z amierykanskaj miedyjakampanii Vocativ.
Abvinavačvańni ŭ ździajśnieńni ciažkaha złačynstva druhoj stupieni, vystaŭlenyja suprać Rubinštejna i Endžieł, praduhledžvajuć maksimalnaje pakarańnie až da 10 hadoŭ turmy i štrafu da 25 tysiač dalaraŭ. Abodva žurnalisty paśla zatrymańnia byli adpuščanyja na svabodu.
Kampanija Vocativ nazvała zatrymańnie svajho supracoŭnika «parušeńniem Pieršaj papraŭki da Kanstytucyi, jakaja parušaje svabodu słova».
U svaju čarhu hałoŭny redaktar RT Marharyta Simańjan napisała ŭ tvitary, što pa prośbie jurystaŭ telekanał pakul nie kamientuje spravu ŭ dačynieńni da Rubinštejna.
Papiaredniaje słuchańnie pa spravie Rubinštejna pryznačanaje na 16 lutaha.
U dzień ustupleńnia Donalda Trampa na pasadu prezidenta ŭ Vašynhtonie ŭdzielniki akcyj pratestu raźbili niekalki aŭtamabilaŭ i vitryn kram. Palicyja była vymušana prymianić śpiecsrodki dla razhonu demanstrantaŭ. Bolš za 200 udzielnikaŭ akcyi pratestu byli zatrymanyja.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia19
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski88
Kamientary