Hety kot naradziŭsia na vulicach Tajłanda 4 hady tamu, i pieršapačatkova byŭ zusim zdarovym, z čatyrma łapami i chvastom. Adnojčy ŭ pošukach ježy biazdomnaje kaciania saskočyła z dachu na elektryčny transfarmatar i atrymała mocny ŭdar tokam, piša Boredpanda.
Kaciania padabrała miascovaja žycharka i zrabiła ŭsio, kab jaho vychadzić. Abvuhlenyja piarednija łapy i chvost pryjšłosia vydalić, paśla čaho pačałasia praciahłaja reabilitacyja.
Kot akazaŭsia niejmavierna prahnym da žyćcia. Jak tolki rany pačali zaciahvacca, jon pačaŭ padymacca na zadnija łapki i sprabavać chadzić. Jon vielmi chutka navučyŭsia skakać, jak kienhuru, na vialikuju vyšyniu, i navat padymacca pa leśvicy.
Za dziŭnuju siłu charaktaru i zdolnaść da navučańnia kata nazvali Ejbł (anhł. Able — «Zdolny»).
Praź niekatory čas u domie Ejbła źjaviłasia siabroŭka Fin Fin. U jaje traŭmavany pazvanočnik, i jana nie moža ruchać zadnimi łapami. Ale heta joj zusim nie zaminaje pieramiaščacca pa chacie i hulać z Ejbłam.
I choć u Ejbła i Fin Fin na dvaich tolki dźvie pary dziejnych łap, jany vydatna ładziać i viaduć zusim narmalny dla katoŭ ład žyćcia — śpiać, jaduć, hulajuć, nazirajuć praz akno za ptuškami i hulajuć u sadzie, va ŭsim padtrymlivajučy adno adnaho.
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec88
Kamientary