Palčeŭskaha aryštavali na 10 sutak, Daškieviča adbili ludzi
Lidara «maładafrontaŭcaŭ» Źmitra Daškieviča sprabujuć zatrymać supracoŭniki siłavych viedamstvaŭ. «Pryvioz dziaciej da siabroŭ na Treci Zaharadny zavułak. Małyja spali, to ja ich pa čarzie zanosiŭ u kvateru. Vidać, za mnoj sačyli, raźminuŭsia ź imi litaralna na paru siekund. Pakul mianie nie było la mašyny, nakinulisia na Uładzia Staškieviča, ale potym adpuścili. Ciapier voś siadžu ź dziećmi ŭ kvatery siabroŭ, zabłakavany, łamać dźviery jašče nie sprabavali».
Daškievič źviazvaŭ hety cisk z učorašnimi pieradačami, što vyjšli na telekanałach ANT i BT: «Tam ža kazali pra hrafici, Lenina, źbitych babul. Dumaju, im razanuła, što nam udałosia dasiahnuć pośpiechu ŭ Kurapatach. Niervy va ŭładaŭ zdali. Kali b siońnia stajaŭ namiotavy haradok u Kurapatach, to siońnia jon byŭ by ŭžo začyščany śpiecnazam».
Taksama 7 sakavika zatrymali Siarhieja Palčeŭskaha. Taho samaha chłopca, jaki prykavaŭ siabie da mašyny kajdankami padčas abarony Kurapataŭ.
***
Pa stanie na 17:00 Źmicier Daškievič zmoh dabracca dadomu. Kaža, što dapamahli žurnalisty, jakija pryjechali da kvatery jaho siabroŭ. Zatrymlivać na kamiery siłaviki nie advažylisia.
***
A 19-j hadzinie stała viadoma, što ŭ sudzie Pieršamajskaha rajona Minska Siarhieja Palčeŭskaha asudzili da 10 sutak aryštu pa artykule 23.34 Administracyjnaha kodeksu «Udzieł u niesankcyjanavanaj akcyi». Za jakuju datu akcyja, pakul nie viadoma.
Apytanka
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary