U Hrodnie — pieršy raz za 20 hadoŭ — i Breście dazvolili akcyi na Dzień Voli
Heta pieršaja dazvolenaja akcyja ŭ Horadni za dva dziesiacihodździ, kaža kiraŭnik haradzienskaj abłasnoj arhanizacyi «Havary praŭdu» Dźmitry Bandarčuk.
Siońnia haradzkija ŭłady vyklikali Bandarčuka ŭ vykankam i paviedamili, što zajava zadavolena. Akcyja projdzie 25 sakavika z 12 da 14.30 u Kałoskim parku kala steły 850-hodździa Horadni.
Pavodle kiraŭnika kampanii «Havary praŭdu» Andreja Dźmitryjeva, rašeńnie padać zajaŭku na praviadzieńnie akcyi 25 sakavika było pryniataje paśla sustrečy pradstaŭnikoŭ hramadzianskaj supolnaści z uładami Horadni.
Siońnia ŭłady taksama dazvolili šeście i mitynh na 25 Sakavika ŭ Bieraści. Pra heta paviedamiŭ staršynia Bieraściejskaj abłasnoj arhanizacyi partyi BNF i adziny zajaŭnik akcyi Źmicier Šymanski.
Zbor udzielnikaŭ pryznačany na 12.00 na skryžavańni praspektu Mašerava i bulvaru Kasmanaŭtaŭ. Šeście projdzie praspektam Mašerava, dalej piešachodnaj vulicaj Savieckaj, zatym vulicaj Budzionnaha da płoščy Svabody, dzie adbudziecca mitynh. Zakančeńnie akcyi a 15.00.
U paniadziełak stała viadoma, što akcyju na Dzień Voli ŭ Viciebsku miascovyja ŭłady zabaranili.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu23
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary