«Heta my z pacanami vykradajem ludziej» — vuličny mastak adkazaŭ Šunieviču hrafici
Ranicaj u paniadziełak u Minsku źjaviŭsia novy stryt-art.
Usiaho postaraŭ try. Na vientylacyjnaj šachcie mietro nasuprać hałoŭnaha ŭvachodu na stancyju Instytut kultury raźmiaściŭsia čałaviek u vyhladzie hopnika: «na kukiškach», u spartyŭnym kaściumie i kiepcy. Pobač ź im nadpis: «Heta my z pacanami vykradajem ludziej. Ihar Jaŭsiejeŭ». [Ihar Jaŭsiejeŭ źjaŭlajecca načalnikam UUS Minskaha abłvykankama]
Druhi postar raźmieščany ŭ arcy — ŭvachodzie ŭ dvor Minharvykankama. Jon pryśviečany načalniku staličnaha AMAPa Dźmitryju Bałabu. Pobač podpis: «Heta ja kiruju razhonami mirnych schodaŭ hramadzian. Za vašyja hrošy».
Treci raźmieščany na «budcy Bykava» - u dvary pobač z płoščaj Pieramohi, na transfarmatarnaj budcy, dzie kaliści źjaviŭsia, a potym byŭ zafarbavany partret Vasila Bykava.
Tut raźmieščany postar, jaki pakazvaje ministra MUS Ihara Šunieviča ŭ palavoj formie NKVD i pistaletam u ruce. Nadpis pobač ź im abviaščaje: «Heta ja hanarusia formaj i mietadami NKUS».
Čytajcie taksama:
Kamientary