«Гэта мы з пацанамі выкрадаем людзей» — вулічны мастак адказаў Шуневічу графіці
Раніцай у панядзелак у Мінску з'явіўся новы стрыт-арт.
Усяго постараў тры. На вентыляцыйнай шахце метро насупраць галоўнага ўваходу на станцыю Інстытут культуры размясціўся чалавек у выглядзе гопніка: «на кукішках», у спартыўным касцюме і кепцы. Побач з ім надпіс: «Гэта мы з пацанамі выкрадаем людзей. Ігар Яўсееў». [Ігар Яўсееў з'яўляецца начальнікам УУС Мінскага аблвыканкама]
Другі постар размешчаны ў арцы — ўваходзе ў двор Мінгарвыканкама. Ён прысвечаны начальніку сталічнага АМАПа Дзмітрыю Балабу. Побач подпіс: «Гэта я кірую разгонамі мірных сходаў грамадзян. За вашыя грошы».
Трэці размешчаны на «будцы Быкава» - у двары побач з плошчай Перамогі, на трансфарматарнай будцы, дзе калісьці з'явіўся, а потым быў зафарбаваны партрэт Васіля Быкава.
Тут размешчаны постар, які паказвае міністра МУС Ігара Шуневіча ў палявой форме НКВД і пісталетам у руцэ. Надпіс побач з ім абвяшчае: «Гэта я ганаруся формай і метадамі НКУС».
Чытайце таксама:
Графіці з міністрам Шуневічам замазалі
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Каментары