Tradycyjnaje pasłańnie kiraŭnika dziaržavy biełaruskamu narodu i parłamientu papiarednie zapłanavanaje na 21 krasavika. Pra heta TUT.BY raspaviali niekalki krynic. Aficyjnaha paćviardžeńnia pakul atrymać nie ŭdałosia.
Alaksandr Łukašenka zvyčajna vystupaje ŭ Avalnaj zale Doma ŭrada ŭ kancy krasavika. Vyklučeńnie jon zrabiŭ tolki ŭ 2006 i 2012 hadach. Tady zvarot kiraŭnika dziaržavy da naroda i Nacyjanalnaha schodu adbyŭsia ŭ mai.
Zvyčajna ŭ pasłańni kiraŭnik dziaržavy ahučvaje płany pa raźvićci krainy na bližejšuju pierśpiektyvu. Letaś pramova doŭžyłasia ŭsiaho paŭtary hadziny, potym jon adkazaŭ na niekalki pytańniaŭ deputataŭ.
Za hety čas Łukašenka raspavioŭ pra mahčymaść novaha pavyšeńnia piensijnaha ŭzrostu praz 5-6 hadoŭ, nieabchodnaść dedałaryzacyi ekanomiki i stvareńnia 50 tysiač novych pracoŭnych miescaŭ. Tady ž jon daručyŭ amaładzić dziaržaparat i vyznačyć novyja kryteryi zarobkaŭ u adukacyi i pryznaŭ, što biez MVF i zamiežnych inviestycyj Biełaruś nie zmoža adnavić ekanamičny rost.
Akramia deputataŭ, na pasłańnie zvyčajna zaprašajuć vyšejšych słužbovych asob krainy, členaŭ urada, kiraŭnikoŭ orhanaŭ dziaržkiravańnia, dyrektaraŭ najbujniejšych pradpryjemstvaŭ, dypłamataŭ i žurnalistaŭ.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary