Centralnaje RUUS stalicy šukaje dziaŭčynu, jakaja, pa słovach vidavočcy, paciarpieła ad dziejańniaŭ 31-hadovaha mužčyny na fota. Pra heta paviedamiła aficyjny pradstaŭnik Centralnaha RUUS Taćciana Aboznaja.
29 sakavika kala paŭnočy minčanin prajazdžaŭ kala haražoŭ, raźmieščanych pablizu doma 37a pa praśpiekcie Niezaležnaści. Jon pačuŭ žanočy kryk ab dapamozie i ŭbačyŭ mužčynu, jaki pavaliŭ na ziamlu dziaŭčynu i sprabavaŭ jaje zhvałcić. Mužčyna kryknuŭ na chulihana, toj adpuściŭ dziaŭčynu i nakinuŭsia na jaje zastupnika — pačaŭ nanosić ŭdary pa mašynie, potym pabieh. Uładalnik aŭto pabieh śledam. La stancyi mietro «Płošča Pieramohi» jon ubačyŭ supracoŭnikaŭ milicyi, da jakich źviarnuŭsia pa dapamohu. Milicyjanty pa prykmietach zatrymali złamyśnika i dastavili dla razboru ŭ Centralnaje RUUS stalicy. Zatrymanym akazaŭsia 31-hadovy nidzie nie pracujučy raniej sudzimy minčanin.
Dziaŭčyna, jakaja stała achviaraj złamyśnika, syšła ŭ nieviadomym kirunku. Pa słovach vidavočcy, na vyhlad dziaŭčynie 16-17 hadoŭ, vałasy śvietłyja, była apranutaja ŭ čyrvonuju kurtku.
Usich, chto staŭ vidavočcam hetaha zdareńnia, a taksama dziaŭčynu, jakaja stała achviaraj złačynstva, pravaachoŭniki prosiać źviarnucca ŭ Centralnaje RUUS Minska abo Centralny rajonny adździeł Śledčaha kamiteta asabista abo pa telefonach (017) 288-79-84, (017) 288-02-02 abo 102. Kanfidencyjalnaść harantujecca.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ50
Kamientary