Staršynia Savieta Respubliki Nacyjanalnaha schodu Biełarusi Michaił Miaśnikovič zajaviŭ, što jaho začapili hrafici na «ścianie Ščotkinaj» u Minsku, piša sputnik.by.
«Uvohule, ja taŭstaskury, ale takija rečy (hrafici) čaplajuć, viadoma», — zajaviŭ žurnalistam śpikier vierchniaj pałaty biełaruskaha parłamienta, adkazvajučy na pytańnie ŭ kułuarach respublikanskaha maładziožnaha konkursu «100 idej dla Biełarusi-2016».
«Ale ničoha, i heta taksama pieražyviem», - skazaŭ Miaśnikovič. Jon taksama skazaŭ, što pakul nie źbirajecca stanavicca aktyŭnym karystalnikam sacsietak i adkryvać svaju staronku ŭ internecie. Hetaje rašeńnie jon tłumačyć tym, što pra jaho i tak šmat usiaho pišuć na forumach.
«Vy adkryjcie forum viadomaha partała, tam stolki ŭsiaho napisana pra mianie», — dadaŭ jon.
Naklejka z vyjavaj Miaśnikoviča i nadpisam «Heta ja ŭvioŭ darožny padatak. A paliŭny akcyz ciapier idzie kudyści ŭ biudžet» źjaviłasia na ścianie budynka na vulicy Družnaj u Minsku 15 sakavika. Pieršaja ž padobnaja nalepka, ale z členam Savieta Respubliki i eks-ministram pracy Marjanaj Ščotkinaj i nadpisam «Heta ja aŭtar padatku na biespracoŭnych» była zaŭvažanaja na płocie ŭ centry stalicy 5 sakavika. Nadpisy chutka vydalali kamunalniki. 15 sakavika na miescy hrafici sa Ščotkinaj źjavilisia mnostva maleńkich aplikacyj ź Miaśnikovičam, nahadvaje Tut.by.
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1919
Kamientary