Raskamnahlad unios u śpis zabaronienych resursaŭ adrasy miesiendžaraŭ BlackBerry, Imo i Line. U pieraliku taksama akazaŭsia aŭdyjovizualny čat Vchat, paviedamlaje VVS.
Miesiendžary, jakija raniej admovilisia rehistravacca ŭ viedamstvie ŭ statusie raspaŭsiudžvalnikaŭ infarmacyi, byli ŭniesieny ŭ rejestr zabaronienych sajtaŭ z pamietkaj «Restricting». Heta aznačaje, što ŭ budučyni Raskamnahlad budzie błakavać usie servisnyja IP-adrasy i techničnyja damieny servisaŭ.
Pradstaŭnik Raskamnahladu Vadzim Ampiałonski paćvierdziŭ ŭniasieńnie ŭniasieńnie miesiendžaraŭ u čorny śpis. «My sumiesna z orhanami, jakija ažyćciaŭlajuć apieratyŭna-vyšukovuju dziejnaść, płanamierna napaŭniajem rejestr arhanizataraŭ raspaŭsiudu infarmacyi. Tyja, chto nie reahuje, akazvajecca pad błakavańniem», — skazaŭ Ampiałonski.
Raniej u krasaviku 2017 hoda na tych ža padstavach byŭ zabłakavany mabilny dadatak Zello. Servisam-racyjaj niaredka karystalisia aktyvisty, u tym liku dalnabojniki, padčas kaardynacyi pratestnych akcyj.
Papraŭki ŭ zakon «Ab infarmacyi, infarmacyjnych technałohijach i abaronie infarmacyi», raspracavanyja deputatam Irynaj Jaravoj i sienataram Viktaram Ozieravym, byli pryniatyja ŭ Rasii ŭ 2014 hodzie. Dakumient uvioŭ paniaćcie «arhanizataraŭ raspaŭsiudžvańnia infarmacyi».
Pad im majecca na ŭvazie ŭładalnik servisu, jaki vykarystoŭvajecca internet-karystalnikami dla abmienu paviedamleńniami. Hetyja servisy ŭnosiać u adpaviedny rejestr Raskamnahladu.
Pryniaty ŭ 2016 hodzie pakiet «antyterarystyčnych» zakonaŭ patrabuje ad «arhanizatara raspaŭsiudžvańnia infarmacyi» z 2018 hoda zachoŭvać źviestki pra adpraŭlenyja karystalnikami paviedamleńni na praciahu paŭhoda i pieradavać pravaachoŭnym orhanam klučy dla rasšyfroŭki paviedamleńniaŭ.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary