Biełaruskija bajcy z 20 miedalami zaniali pieršaje miesca ŭ kamandnym zaliku čempijanatu śvietu pa muaj-taj, jaki zaviaršajecca 12 maja ŭ minskim pałacy sportu, paviedamlaje Tut.by.
U zaklučny dzień amal usie biełaruskija spartoŭcy, jakija vystupali ŭ finałach darosłych spabornictvaŭ, vyjhrali załatyja ŭznaharody — Alena Laškievič (45 kh), Dyjana Jemialjanava (zvyš za 75 kh), Arciom Avaniesov (63,5 kh), Dźmitryj Varac (67 kh), Dźmitryj Valent (81 kh), Jaŭhien Vaŭčok (86 kh), Dzianis Hančaronak (91 kh).
Siarebrany miedal atrymała Ludmiła Čysłava (48 kh), zołata tut zavajavała pradstaŭnica Tajłanda Konłak Suphisara.
Prabiŭsia ŭ finał i Vadzim Vaśkoŭ (71 kh), adnak z-za traŭmy jon nie vyjšaŭ na finalny pajadynak i atrymaŭ siarebrany miedal.
Raniej uładalnikami bronzavych miedaloŭ stali pradstaŭniki Biełarusi Sahif Hasanaŭ (51 kh), Mikałaj Śviadomski (54 kh), Andrej Hierasimčuk (zvyš za 91 kh), Vieranika Sobal (67 kh), Maryja Biełuš (75 kh).
U moładzievaj katehoryi (da 23) hadoŭ załatymi miedalistami stali Maksim Piatkievič (63,5 kh) i Dźmitryj Filipaŭ (71 kh). Siarebranyja ŭznaharody zavajavali Raman Doŭnar (67 kh), Karen Tumasian (81 kh) i Uładzisłaŭ Šadko (zvyš 91 kh), bronzavym pryzioram staŭ Arciom Vińnik (60 kh).
U čverćfinale vybyŭ z baraćby za ŭznaharody 11-razovy čempijon śvietu Vital Hurkoŭ (75 kh), pa ačkach sastupiŭ partuhalcu Dzijoha Kałada, jaki ŭ vyniku staŭ siarebranym miedalistam, prajhraŭšy ŭ finale rasijaninu Ivanu Hryhorjevu.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku24
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary