Misijanierski adździeł Čelabinskaj jeparchii RPC źviarnuŭsia ŭ prakuraturu z prośbaj pravieryć na adpaviednaść rasijskamu zakanadaŭstvu fiestyval farbaŭ, jaki pavinien prajści ŭ Čelabinsku, paviedamlaje VVS.
Pradstaŭniki carkvy ličać, što arhanizatary mierapryjemstva imknucca naviazać maładomu pakaleńniu «čužyja kaštoŭnaści, čužuju, varožuju jamu duchoŭnaść i nažycca na hetym».
Na dumku jeparchii, udzieł u imprezie, pryśviečanaj «pamiaci indyjskaj demanicy Choliki, spalenaj na vohniščy», niedapuščalny, u asablivaści dla achryščanych žycharoŭ rehijonu.
U misijanierskim adździele padkreślili, što razhladajuć śviata Choli «jak formu «miakkaha, apasrodkavanaha prazielityzmu, źmiainaha praniknieńnia demaničnych praktyk u dušu našaha naroda z metaj jaho defarmacyi».
U jeparchii taksama abvinavacili arhanizataraŭ u «adkrytym padłohu» z-za taho, što mierapryjemstva, raniej viadomaje jak «Fiestyval farbaŭ Choli», było pierajmienavanaje va «Usierasijski Fiestyval farbaŭ».
«Kab paźbiehnuć vialikaj biady, para dać hetaj źjavie pryncypovuju, u tym liku, pravavuju acenku — nie tolki na rehijanalnym, ale i na fiederalnym uzroŭni», — havorycca ŭ zajavie misijanierskaha adździeła.
U pieršuju čarhu, na dumku pradstaŭnikoŭ carkvy, treba pravieryć źmiastoŭny bok fiestyvalu na adpaviednaść «Kancepcyi nacyjanalnaj biaśpieki RF», pryniataj u 2015 hodzie.
U rehijanalnaj prakuratury paćvierdzili, što atrymali zvarot ad misijanierskaha adździeła Čelabinskaj jeparchii. Jak adznačyŭ surazmoŭca ahienctva, pytańnie ab praviadzieńni pravierki pakul nie vyrašanaje.
Paśladoŭniki induizmu tradycyjna adznačajuć śviata Choli ŭ kancy lutaha — pačatku sakavika. Udzielniki fiestyvalu ładziać šeści i tancy i absypajuć adzin adnaho kalarovymi paraškami.
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary