Siarod śmiarotnych achviaraŭ — 69 mirnych žycharoŭ.
U časie vajennych dziejańniaŭ u Hruzii, pavodle apošnich źviestak, zahinuła 215 hramadzianaŭ krainy, ź ich 69 mirnych žycharoŭ. Paraniena 1469 čałaviek, ź ich 446 praciahvajuć znachodzicca ŭ bolnicach. 70 vajskoŭcaŭ ličycca źnikłymi biaź viestak, da ich liku naležać 9 niabožčykaŭ, raspaznać jakich nie ŭdałosia. Hetyja dadzienyja pieradaŭ žurnalistam staršynia kamitetu parlamentu Hruzii pa pytańniach abarony i biapieki Hivi Tarhamadze. Ź jahonych słovaŭ, kolkaść źnikłych biaź viestak siarod mirnaha nasielnictva Hruzii ŭstanavić pakul nie ŭdałosia.
Rasieja apublikavała tolki źviestki pa stratach siarod svaich vajskoŭcaŭ. «U zonie kanfliktu z Hruzijaj» 74 vajskoŭcy byli zabityja, 171 — paranieny, 19 čałaviek prapali biaź viestak. Takija ličby padaŭ u minułuju sieradu na bryfinhu namieśnik načalnika Hienštabu Rasiei Anatol Nahavicyn. Kolkaść achviaraŭ siarod asiacinskich, čačenskich i kazačych bajavych farmavańniaŭ, što brali ŭdzieł u bajach, nieviadomaja, jak i dakładnaja kolkaść achviaraŭ siarod mirnaha nasielnictva ŭ Cchinvali. Apošniaja ličba, jak ćvierdziać rasiejskija krynicy, vialikaja. Pavodle infarmacyi MNS Rasiei, u horadzie byli paškodžany 20 % budynkaŭ, pałova ź ich nie padlahaje adbudovie.
Hruzija taksama narakaje na vialikuju materyjalnuju škodu: rasiejskija vojski planamierna razburyli ŭsiu vajskovuju infrastrukturu ŭ zonie akupacyi, pad bambiožkami byli razburanyja asobnyja žyłyja budynki, uzarvany most na adzinaj čyhunačnaj mahistrali, što złučaje ŭschod i zachad krainy.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1
Kamientary