10 hadoŭ tamu, 29 červienia 2007 hoda, startavaŭ prodaž pieršaha iPhone. Na prezientacyi smartfona Styŭ Džobs zajaviŭ, što ŭ pryładzie abjadnalisia try hadžety — «iPod ź vialikim ekranam», «revalucyjny mabilny telefon» i «praryŭny internet-kamunikatar». U honar 10-hadovaha jubileju smartfona CBS Sunday Morning padrychtavała siužet, pryśviečany stvareńniu iPhone, paviedamlaje MacDigger.
Žurnalisty telekanała sustrelisia z Devidam Poham, Uołtam Mośbierham, Styvienam Levi i Edam Biejham — čatyrma žurnalistami, jakim Apple ŭ 2007 hodzie prezientavała iPhone dla padrychtoŭki ahladu jašče da pačatku prodažaŭ pryłady.
«Za try dni ja byŭ hatovy vykinuć hetuju štuku ŭ akno paśla sprobaŭ nabirać tekst na škle», — uspaminaje Mośbierh.
«Prajšło ŭžo 10 hadoŭ, i pałovu elektronnych listoŭ ja atrymlivaju z podpisam «Adpraŭlena z iPhone, prabačcie za pamyłki druku», — kaža Levi.
U siužecie adznačyŭsia taksama Bas Odynh — adzin z klučavych inžynieraŭ Apple, jakija pracavali nad pieršym iPhone.
«Zbolšaha takim papularnym iPhone zrabiła toje, što abjekty na sensarnym ekranie mieli asablivuju fiziku. Vy možacie padziakavać za heta Basu Odynhu. Dziakujučy jamu śpis vašaje muzyki ci kantaktaŭ praciahvaje zrušvacca pa inercyi pry svajpie i adskokvaje ad kraju pry dasiahnieńni miažy.
«Ciapier miljard ludziej karystajucca vašaj idejaj», — skazaŭ žurnalist.
«Miljard? Heta šmat», — zaśmiajaŭsia Odynh.
«Chto-niebudź u toj čas dumaŭ, nakolki maštabnaj budzie hetaja zaduma?»
«Nie, zusim nie. Ja dyk dakładna nie dumaŭ».
iPhone pastupiŭ u prodaž praz šeść miesiacaŭ paśla prezientacyi, jakaja adbyłasia 9 studzienia 2007 hoda. Akazvajecca, 10 hadoŭ tamu možna było anansavać devajs i vypuścić jaho praz paŭhoda paśla anonsu. Siońnia ad anonsu da startu prodažaŭ prachodzić litaralna tydzień ci dva.
Da dadzienaha momantu Apple vypuściła piatnaccać madelaŭ iPhone, a ŭvosieni čakajecca reliz iPhone novaha pakaleńnia, jaki stanie samym daskanałym smartfonam Apple.
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary