Rasijanku, jakaja zhubiła dakumienty pry vylecie rejsam Minsk — Kijeŭ, ukrainskija pamiežniki abvinavacili ŭ pravozie narkotykaŭ i adpravili jaje ŭ Biełaruś. Biełaruskija pamiežniki zasumniavalisia ŭ praŭdzivaści historyi, paviedamlaje Tut.by.
«Pamiežniki ŭ mižnarodnym aeraporcie «Baryspal» zatrymali hramadzianku Rasii, u jakoj u asabistych rečach znajšli narkatyčnaje rečyva. Žančyna prybyła rejsam Minsk — Kijeŭ. Prajšoŭšy na pašpartny kantrol, jana nie dała dazvalenčych dakumientaŭ dla pierasiačeńnia dziaržaŭnaj miažy: skazała, što dakumienty nibyta zhubiła ŭ samalocie», — raspaviali ŭ Dziaržpamiežsłužbie Ukrainy.
U viedamstvie adznačyli, što padčas hutarki ŭ rasijanki naziralisia prykmiety narkatyčnaha apjanieńnia. Pamiežnikam jana paviedamiła, što joj 37 hadoŭ, jana hramadzianka Rasii i prybyła va Ukrainu pracavać ŭ adnoj z kampanij pa prodažy kvitkoŭ.
«U dalejšym, u chodzie pravierki, słužbovy sabaka, natreniravany na vyjaŭleńnie narkatyčnych rečyvaŭ, spracavaŭ na sumačku rasijanki. U joj pamiežniki znajšli dva skrutki ŭ falzie z rečyvam biełaha koleru. Pa dadzienym fakcie prainfarmavanyja supracoŭniki Nacpalicyi», — havorycca ŭ paviedamleńni viedamstva.
Paźniej vyśvietliłasia, što žančynu nichto nie zatrymlivaŭ i jaje adpravili nazad u Minsk.
«Hetuju hramadzianku Rasii ŭkrainski bok viarnuŭ na terytoryju Biełarusi zvarotnym rejsam 20 vieraśnia pa pryčynie adsutnaści nieabchodnych dakumientaŭ, jakija dajuć prava na pierasiačeńnie miažy. Nijakich dakumientalnych dokazaŭ, jakija paćviardžajuć vyjaŭleńnie ŭ jaje narkatyčnych srodkaŭ, ab jakich zajaviŭ ukrainski bok, pradstaŭlena nie było», — prakamientavaŭ situacyju aficyjny pradstaŭnik Dziaržaŭnaha pahraničnaha kamiteta Biełarusi Anton Byčkoŭski.
Jon adznačyŭ, što sproba niezakonnaha pieramiaščeńnia narkotykaŭ praź miažu ŭ lubaj dziaržavie ciahnie za saboj raspačaćcie kryminalnaj spravyi zatrymańnie padazravanaha, a ukrainskimi kalehami heta zroblena nie było.
«U suviazi z hetym dadzienaje śćviardžeńnie łahična vyklikaje sumnievy. Jak patłumačyła sama hramadzianka Rasii, svaje dakumienty jana zhubiła pry vylecie z Nacyjanalnaha aeraporta «Minsk» niepasredna paśla pamiežnaha kantrolu, bo raniej biez usialakich prablem prajšła afarmleńnie na vylet», — dapoŭniŭ Anton Byčkoŭski.
Atrymać apieratyŭny kamientar u pres-słužbie Dziaržpamiežsłužby Ukrainy nie ŭdałosia.
Kamientary