Parłamient Ukrainy pryniaŭ u pieršym čytańni prezidencki zakonaprajekt ab asablivaściach dziaržaŭnaj palityki pa zabieśpiačeńni suvierenitetu Ukrainy nad niepadkantrolnymi terytoryjami ŭ Danieckaj i Łuhanskaj abłaściach. Napiaredadni jaho razhlad skončyŭsia bojkaj, paviedamlaje VVS.
Na plenarnym pasiadžeńni ŭ piatnicu za zakonaprajekt prahałasavali 233 parłamientaryi pry nieabchodnym minimumie ŭ 226 hałasoŭ.
Zhodna z dakumientam Ukraina faktyčna admaŭlajecca ad «antyterarystyčnaj apieracyi» na Danbasie. Rasija nazvana «krainaj-ahresaram», a terytoryi t. zv. Danieckaj i Łuhanskaj narodnych respublik nazyvajucca «časova akupavanymi».
Pierad pačatkam hałasavańnia śpikier Viarchoŭnaj rady Andrej Parubij nahadaŭ, što z zakonaprajekta vyklučyli zhadku ab minskich pahadnieńniach.
Zakonaprajekt źmianiaje strukturu kiravańnia vojskami, jakija dziejničajuć u zonie bajavych dziejańniaŭ. Dla strymlivańnia i adporu ŭzbrojenaj rasijskaj ahresii ŭ Danieckaj i Łuhanskaj abłaściach prezident Ukrainy Piatro Parašenka prapanuje stvaryć abjadnany apieratyŭny štab uzbrojenych sił Ukrainy.
Ciapier kiraŭnictva vajennymi siłami i srodkami ŭ Danbasie ažyćciaŭlaje štab antyterarystyčnaj apieracyi, jaki padkantrolny Słužbie biaśpieki Ukrainy, heta abmiažoŭvaje mahčymaść prymianieńnia armii.
U Maskvie zakonaprajekt raskrytykavali. Rasijski pradstaŭnik u minskaj kantaktnaj hrupie Barys Hryzłoŭ zajaviŭ, što zakonaprajekt «całkam supiarečyć minskim pahadnieńniam, jašče bolš addalaje Danbas ad Ukrainy i błakuje minski praces».
Praciŭniki zakonaprajekta ŭ znajšlisia i ŭ Kijevie. Kala Viarchoŭnaj rady napiaredadni mitynhavali aktyvisty.
U administracyi Parašenki nieabchodnaść pryniaćcia zakona tłumačać tym, što ź im źviazanaje padaŭžeńnie sankcyj suprać Rasii. Prezidentu Ukrainy pryjšłosia adklikać, karektavać i ŭnosić zakonaprajekt znoŭku.
Adnak i paśla hetaha krytyki byli niezadavolenyja. Asnoŭnyja pretenzii vyklikaŭ artykuł, u jakim išła havorka ab pryjarytetnaści vykanańnia minskich pahadnieńniaŭ.
«Hetym punktam my ŭpieršyniu ŭvodzim va ŭkrainskaje pravavoje pole minskija damoŭlenaści, jakija nie źjaŭlajucca krynicaj prava», — tłumačyŭ deputat ad partyi Parašenki Mustafa Najem.
U čaćvier Parašenka pryjechaŭ u Viarchoŭnuju radu, kab pierakanać deputataŭ svajoj frakcyi padtrymać uniesienyja im zakonaprajekty ab reintehracyi Danbasa. Adnak u deputataŭ paŭstała mnostva pytańniaŭ da abodvuch dakumientach, u zale adbyłasia bojka, hałasavańnie było sarvanaje.
U vyniku zhadka ab minskich pahadnieńniach z zakonaprajekta taksama była vyklučanaja.
Nie zhodnyja z zakonaprajektam Parašenki i palityčnyja siły, jakija nie padtrymlivajuć ciapierašni palityčny kurs. Apazicyja napiaredadni błakavała trybunu, paśla čaho było pryniataje rašeńnie pieranieści razhlad zakonaprajektaŭ na piatnicu.
«Hety zakon — nie ab reintehracyi Danbasa, a ab jaho adździaleńni. I my ni ŭ jakim vypadku jaho nie padtrymlivajem», — kazaŭ raniej kiraŭnik frakcyi «Apazicyjny błok» Juryj Bojka.
Paśla hałasavańnia pa zakonaprajekcie ab reintehracyi Danbasa Viarchoŭnaja rada padoŭžyła na hod termin dziejańnia zakona ab asablivym paradku miascovaha samakiravańnia ŭ asobnych rajonach Danieckaj i Łuhanskaj abłaściej.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary