Namieśnik kiraŭnika MZS: Biełaruś nie niejkija tam paprašajki, jakija chočuć ad ES tolki hrošaj
Jeŭropa pavinna dakładna razumieć, što Biełaruś — heta nie niejkija tam paprašajki, jakija chočuć atrymlivać tolki finansavańnie ad ES. Biełaruś zacikaŭlena ŭ dvuchbakovym supracoŭnictvie.
Pra heta zajaviŭ namieśnik ministra zamiežnych spraŭ Biełarusi Aleh Kraŭčanka na 4-m Forumie hramadzianskaj supolnaści «Uschodniaha partniorstva», jaki prachodzić u Talinie, piša Tut.by.
— Biełaruś hatovaja pakazać, što ad supracoŭnictva vyjhrajuć abodva baki. Jak adzin z prykładaŭ — układ Biełarusi ŭ biaśpieku Jeŭropy: naša miaža kantraluje pytańni narkotykaŭ i zbroi, jakija mohuć traplać u Jeŭropu, — skazaŭ Kraŭčanka.
Pavodle słoŭ namieśnika ministra, Biełaruś nie razhladaje «Uschodniaje partniorstva» jak instrumient hieapalityčnaj baraćby.
— My nie robim vybar pamiž Uschodam i Zachadam. Ź inšaha boku, my vierym u dyjałoh Jeŭrazijskaha ekanamičnaha sajuza ź ES. Biełaruś aktyŭna ŭdzielničaje va Uschodnim partniorstvie, heta załoh palapšeńnia našych adnosinaŭ ź ES, - skazaŭ Aleh Kraŭčanka.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary