U intervju partału «Minsk-naviny» dyrektar aeraporta Minsk-2 Dźmitryj Mielikian patłumačyŭ, čamu łaŭkosty — nie varyjant dla Biełarusi.
— Mahčyma, pryziamlacca ŭ Minsku i łaŭkosty?
— Niekatoryja aeraporty vymušanyja pracavać ź nizkabiudžetnymi avijakampanijami, bo niama svaich, bazavych. Zaraz u ŚMI idzie infarmacyja pra sudovyja pracesy z hetymi kampanijami. Bo łaŭkosty, jak praviła, sprabujuć nie płacić za pasłuhi aeraporta. My abrali inšy kirunak. U nas usio-taki Nacyjanalny aeraport Minsk, jon pavinien raźvivacca pa kłasičnych uzorach. A łaŭkost-kampanija pryviezła ŭ kančatkovy punkt — dalej tvaje prablemy. U tym ža Paryžy niekalki aeraportaŭ, ale łaŭkost-kampanii laciać nie ŭ Šarl-de-Hol, a za 90 kiłamietraŭ ad Paryža, i dabirajsia potym jak viedaješ.
Pa punktualnaści my znachodzimsia ŭ mižnarodnych topach «5 zorak». Heta značyć, čałaviek, vybirajučy naš aeraport i avijakampaniju «Biełavija», atrymlivaje harantyju taho, što jon palacić i prylacić svoječasova. A dasiahajecca heta tym, što ŭvieś piersanał skancentravaŭ svaje dziejańni, prafiesijanalizm na toje, kab vykanać svaju zadaču, i tak z dnia ŭ dzień. Niejak ja skarystaŭsia pasłuhami adnoj ź nizkabiudžetnych avijakampanij, u vyniku my spaźnilisia na dźvie hadziny. A košt kvitkoŭ… Nie atrymałasia ŭ peŭny dzień ich vykupić, dumaŭ: pajedu zaŭtra. Ale siońnia kvitok kaštavaŭ, da prykładu, 100 jeŭra, na nastupny dzień — užo 180.
My vyznačyli svoj varyjant, zabiaśpiečvajučy pasažyraŭ zručnym tranzitam, vysakakłasnym servisam, karotkimi stykoŭkami. Usie robim, kab bahaž svoječasova byŭ z adnaho samalota na inšy pierahružany i adpraŭleny pa pryznačeńni. Tranzit pasažyraŭ na siońniašni dzień u nas składaje bolš za 30%. A taki pakazčyk daje prava nazyvacca «chabam». Heta najbolš paśpiachovyja aeraporty, jakija prapuskajuć praź siabie vialikuju kolkaść tranzitnych pasažyraŭ u paraŭnańni z tymi, jakija prylatajuć u kančatkovy punkt.
***
Na telehram-kanał «Našaj Nivy» možna padpisacca tut.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary