U vučebcy, dzie słužyŭ Koržyč, raspuskajuć siaržantaŭ — novych nabirajuć z bajavych častak
Praciahvajecca «razbor palotaŭ» paśla trahičnaj śmierci sałdata Alaksandra Koržyča ŭ Piečach.
Krynicy «Našaj Nivy» paviedamili, što ŭ treciaj škole, dzie słužyŭ Koržyč, całkam zamianiajuć siaržancki skład — tych, chto nie zatrymany, adpraviać słužyć u inšyja čaści, na ich miesca pieraviaduć siaržantaŭ z «bajavych» častak.
Mahčyma, budzie stvorana sistema rehularnaj ratacyi siaržantaŭ.
Trochi raniej tam ža, u Piečach, sałdatam dazvolili mieć pry sabie mabilnyja telefony, chaj i prymityŭnyja.
Taksama varta dadać, što krynicy «Našaj Nivy» z roznych častak sihnalizujuć pra pastrožvańnie aficerskich abaviazkaŭ u biełaruskim vojsku. Siły śpiecapieracyj, suviaź, śpiecnaz — aficery ciapier na rehularnaj asnovie ładziać načnyja pravierki, pavialičyŭsia čas znachodžańnia aficeraŭ z asabovym składam, u niekatorych čaściach majuć pastavić kamiery.
Sałdatam zahadana paviedamlać pra malejšyja parušeńni statutnych adnosin.
Ministerstva abarony pakul nie moža paćvierdzić rospusk siaržantaŭ u treciaj škole. Pres-sakratar viedamstva Uładzimir Makaraŭ adznačyŭ, što «realizujecca ceły kompleks zachadaŭ»: maŭlaŭ, zamiena siaržantaŭ moža być adnym ź jaho elemientaŭ.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary