Pradstaŭleny robat, jaki samastojna čyścić unitaz luboj formy
Uborka tualeta — adna z samych nielubimych rabot dla mnohich ludziej. Było b našmat lepš, kali b unitazy mahli samastojna ačyščacca paśla taho, jak imi skarystalisia. Mienavita takuju technałohiju i prapanavali stvaralniki pryłady SpinX, hrošy na vytvorčaść jakoj zaraz paśpiachova źbirajuć na kraŭdfandynhavaj placoŭcy Kickstarter.
SpinX padklučajecca da vodazabieśpiačeńnia z dapamohaj šłanha i zamianiaje isnujučyja siadzieńnie i kryšku ŭnitaza. Jak zajaŭlajuć stvaralniki, pryłada budzie vypuskacca ŭ niekalkich varyjantach, jakija padyduć dla lubych unitazaŭ.
Praca SpinX pačynajecca z naciskańnia knopki. Rabatyzavanaja ščotka raskładvajecca z adsieka na ŭnutranym baku kryški ŭnitaza i krucicca, prachodziačy pa kožnym kvadratnym santymietry płoščy ŭnutranaj pavierchni ŭnitaza. Pry hetym admysłovy miechanizm raspylaje myjučy srodak z šmatrazovaha adsieka. Akramia taho, tonkija brui vady, jakija vypuskajucca ź nižniaha boku kryški, čyściać siadzieńnie, a zatym sušać jaho z dapamohaj dvuch mahutnych vientylataraŭ.
Uvieś praces ačystki, pa zajavach stvaralnikaŭ, zajmaje 90 siekund, a pracuje robat ad zdymnaj akumulatarnaj batarei, zaradu jakoj chopić bolš čym na 30 cykłaŭ ačystki. Vytvorca rekamienduje mianiać ščotku kožnyja 6 miesiacaŭ.
Košt pryłady pačynajecca ad 200 dalaraŭ.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary