Pieramožca konkursu «Student hoda»: Adukacyja maje być biełaruskamoŭnaj
U Nacyjanalnaj biblijatecy 8 śniežnia Biełaruski respublikanski sajuz moładzi pravioŭ finał konkursu «Student hoda».
Za zvańnie zmahalisia 10 studentaŭ z roznych biełaruskich VNU.
Tematyku konkursu vyznačyli jak «Biełaruś — krynica natchnieńnia», vystupić taksama zaprasili hurt Naviband — zała padpiavała im stojačy.
Nu a pieramahła 19-hadovaja studentka Hrodzienskaha dziaržaŭnaha ŭniviersiteta Alaksandra Radkovič — dziaŭčyna skaryła žury svajoj ščyraściu i charyzmaj, taksama zału svaimi hałasami rvali dziasiatki čałaviek padtrymki.
Valačysia ad stomy z noh, dziaŭčyna znajšła siły skazać paru słovaŭ dla «Našaj Nivy».
«Čamu ja havaru pa-biełarusku? Usio zakłałasia ŭ dziacinstvie — ja chadziła ŭ biełaruskamoŭny sadok i škołu. Maja pazicyja takaja: my — biełarusy, my — nacyja. U nas jość mova, na jakoj my musim havaryć», — skazała jana.
«Vykładčyki i adnahrupniki moj vybar adnaznačna ŭchvalajuć, ja ž aktyvistka — mnoj navat hanaracca ŭ peŭnym sensie, bo ja pradstaŭlaju fakultet i ŭniviersitet. Ja ž nie adna biełaruskamoŭnaja, u nas šmat takich. «I «Našu Nivu» ja čytaju. I na supołku vašuju «UKantakcie» padpisanaja», — zapeŭniła dziaŭčyna.
«Ja liču, što treba bolš vykładać na movie, adukacyja maje być biełaruskamoŭnaj, kab bolš movy było ŭ žyćci», — padsumavała jana, adkazvajučy na pytańni pra chiby ajčynnaj adukacyi.
Adnahrupniki Alaskandry nazyvajuć jaje ruchavikom, jaki nie siadzić na miescy.
Dziaŭčyna pachodzić sa Słonimščyny, maryć pracavać viadučaj na telebačańni ci na radyjo.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary