Hurt «Krambambula» prezientavaŭ novuju pieśniu «Partyzany kaladnaha lesu» — jana dała nazvu kancertnaj prahramie, jakaja prahučyć 21 śniežnia ŭ Prime Hall. A ŭ niadzielu prychilnikaŭ čakaje «Partyzanski kvest» pa vulicach Minska.
«Pieśnia pra ludziej, jakija zajmajucca daŭnšyftynham. Jakija syšli ad rečaisnaści ŭ mifičny kaladny les. U jakim čamuści niama navat internetu. Jakija nie karystajucca sacyjalnymi sietkami. Jakija ŭvohule niezrazumieła čym zajmajucca — zmahajucca z ujaŭnym voraham, jakoha, moža być, i nie isnuje», — raspaviadaje Lavon Volski pra kampazicyju, jakaja supravadžajecca humarystyčnym videašeraham.
U niadzielu 17 śniežnia amataraŭ hurta taksama čakaje admysłovy haradzki kvest ad hulniavoj prastory Quvalda. Udzielniki buduć vandravać pa Minsku i adhadvać zašyfravanyja ŭ zahadkach miescy i abjekty, źviazanyja z tvorčaściu «Krambambuli» i Lavona Volskaha. Usie ŭdzielniki naprykancy sustrenucca ź Lavonam Volskim i muzykami hurta, atrymajuć padarunki. Hałoŭny pryz — kvitki za stolik na kancercie 21 śniežnia. Rehistracyja i ŭmovy — tut.
21 śniežnia ŭ miežach prahramy «Partyzany kaladnaha lesu» hledačoŭ čakajuć najlepšyja pieśni «Krambambuli», kanceptualnaje sceničnaje šou i kiłatony navahodniaha nastroju. Kvitki možna nabyć na sajcie i ŭ kasach Kvitki.by, a taksama na sajcie Primehall.by i ŭ kasach kłuba. Košt kvitkoŭ: tancplac — 40 rub., siadziačyja — ad 42 rub. Jość varyjanty dla hrupavych zamovaŭ. Infalinija: +375 (33) 661-14-32.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary