U Japonii pabudavali niezvyčajny kaścioł z «drevami» ŭnutry — šmat FOTA
Šmat chto ličyć, što źniešni vyhlad relihijnych budynkaŭ maje być tradycyjnym, bo heta stvaraje peŭnuju atmaśfieru sakralnaści. Ale ŭ apošnija dziesiacihodździ namieciłasia tendencyja da prymianieńnia ŭsio novych stylaŭ u budaŭnictvie cerkvaŭ. Hetym razam vyrašyli ździvić japonskija architektary, jakija pabudavali kaścioł u Nahasaki ź vializnymi voknami ad padłohi da stoli i ź imitacyjaj drevaŭ unutry.
Kvadratny kaścioł płoščaj 125 kv. mietraŭ staŭ sučasnaj interpretacyjaj najstaražytnaj hatyčnaj carkvy Japonii — katalickaj baziliki 26 japonskich pakutnikaŭ u Nahasaki.
Sučasny budynak, u adroźnieńnie ad budynka XIX stahodździa, uźviedzieny ŭ asnoŭnym sa škła i stali. Siamimietrovyja vokny dazvalajuć viernikam atrymlivać asałodu ad pyšnaha piejzažu i adčuvać jadnańnie z moram i harami, adznačaje Inhabitat.
Hałoŭnaj asablivaściu novaha chrama źjaŭlajecca drevapadobnaja draŭlanaja instalacyja, zroblenaja z kiedra.
Bazilika ŭ honar 26 japonskich pakutnikaŭ była pabudavanaja ŭ Nahasaki dziakujučy namahańniam dvuch francuzskich śviataroŭ ŭ 1863 hodzie ŭ honar 9 jeŭrapiejskich śviataroŭ i 17 japonskich chryścijan, ukryžavanych ŭ 1597 hodzie pa zahadzie japonskaha vajskovaha dziejača Tojotomi Chidejosi. Paśla aśviačeńnia chrama da śviataroŭ pryjšli žychary susiednich viosak — naščadki japonskich chryścijan, jakija chavalisia paśla Simabarskaha paŭstańnia 1630-ch hadoŭ. Nieŭzabavie z padpolla vyjšli dziasiatki tysiač japonskich katalikoŭ. Hetuju padzieju papa Pij IX nazvaŭ «cudam Uschodu».
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary