Kanhres daśledčykaŭ Biełarusi ŭpieršyniu projdzie nie za miažoj, a ŭ Minsku
Pavodle papiarednich płanaŭ, 27-29 vieraśnia ŭ Minsku projdzie 8-y Mižnarodny Kanhres daśledčykaŭ Biełarusi. Akademičnym partnioram vystupić Akademija navuk.
Upieršyniu znakavaja padzieja dla navukovaha žyćcia krainy projdzie nie za miažoj, a ŭnutry Biełarusi. Raniej Kanhres šeść razoŭ prymaŭ Kaŭnas i adzin raz Varšava.
Dyrektar Instytuta palityčnych daśledavańniaŭ «Palityčnaja śfiera», staršynia arhanizacyjnaha kamiteta Kanhresa Andrej Kazakievič raskazaŭ, jak atrymałasia pieravieści mierapryjemstva ŭ Minsk.
«Ideja praviadzieńnia Kanhresu ŭ Biełarusi paŭstavała daŭno. Łahična, kab takaja padzieja rehularna pravodziłasia ŭ Biełarusi. Ale doŭhi čas my nie mahli znajści akademičnaha partniora, jaki b vystupiŭ suarhanizataram.
U 2017 hodzie pačalisia bolš akreślenyja kansultacyi, kab pravieści Kanhres daśledčykaŭ ŭ Minsku. Padčas sioletniaha Kanhresu ŭ Varšavie vialikaja kolkaść udzielnikaŭ taksama vystupała za toje, kab pravieści nastupny ŭnutry krainy. Litaralna na hetym tydni była paćvierdžanaja damoŭlenaść i vyznačanyja papiarednija daty», — kaža Kazakievič.
Čamu mienavita ciapier stałasia mahčymym praviadzieńnie Kanhresu ŭ Biełarusi?
«Ciapier biełaruskaja dziaržava ŭsio bolš zacikaŭlenaja ŭ stvareńni pazityŭnaha imidžu za miežami krainy. U hetym kantekście akademičnaja supolnaść i navukovyja daśledavańni vykonvajuć vielmi važnuju rolu. Jość razumieńnie, što treba kansalidavać roznyja siehmienty biełaruskaha hramadstva. Źniać štučnyja padzieły i napružanaść u tych śfierach, dzie jany daŭno pazbaŭlenyja sensu, što asabliva tyčycca navuki i akademičnaj supolnaści».
«Kaniečnie, praviadzieńnie Kanhresu ŭ Minsku adkryvaje novyja mahčymaści. Heta dla nas novy dośvied. My rychtujemsia da składanaj pracy ŭ novych dla nas umovach. Heta značny krok, jaki moža mieć vialikija pazityŭnyja vyniki dla raźvićcia biełaruskaj navuki i akademičnaj supolnaści», — raskazvaje Andrej Kazakievič.
Kanhres daśledčykaŭ Biełarusi štohod źbiraje najlepšych navukoŭcaŭ, jak z krainy, hetak i z zamiežža.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary