Prezident Rasii Uładzimir Pucin paraŭnaŭ cieła savieckaha pravadyra Uładzimira Lenina ŭ maŭzalei z moščami chryścijanskich śviatych. Pra heta jon raspavioŭ u intervju dla filma «Vałaam», uryvak jakoha pakazali na telekanale «Rasija 1».
Kiraŭnik rasijskaj dziaržavy adznačyŭ, što staŭleńnie kamunistaŭ da Lenina vielmi padobna na šanavańnie śviatych. «Pakłali ŭ maŭzalej. Čym heta adroźnivajecca ad moščaŭ śviatych dla pravasłaŭnych, dy prosta dla chryścijan? Kali mnie kažuć, što niama, u chryścijanstvie niama takoj tradycyi, nu jak ža niama», — skazaŭ jon i zhadaŭ Afon.
Pa słovach prezidenta RF, kamunistyčnaja ideałohija vielmi padobnaja da chryścijanstva: «svaboda, roŭnaść, braterstva, spraviadlivaść — heta ŭsio zakładziena ŭ Cviatym piśmie, heta ŭsio tam jość». «Byli takija zusim žorstkija bahabornickija hady, kali źniščali śviataroŭ, razburali chramy. Ale adnačasova stvarali novuju relihiju. (…) A kodeks budaŭnika kamunizmu? Heta sublimacyja, heta prosta takaja prymityŭnaja vytrymka ź Biblii, ničoha novaha nie prydumali», — miarkuje Pucin.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary