Navukoŭcy Nacyjanalnaha instytuta bijavizualizacyi i bijainžynieryi ZŠA raspracavali nanavakcynu dla baraćby z rakam. Złučeńnie, jakoje prymušaje imunnyja kletki atakavać puchlinu, dastaŭlajecca ŭ limfatyčnyja vuzły z dapamohaj białku albuminu. Artykuł daślednikaŭ apublikavany ŭ časopisie Nature Communications, koratka pra jaho raspaviadajecca ŭ pres-relizie na MedicalXpress.
U skład vakcyny ŭvachodziać antyhieny — białki, jakija dazvalajuć limfacytam raspaznavać roznyja typy złajakasnych puchlin. Navukoŭcy dadali da antyhienaŭ farbavalnik Evans blue, jaki źviazvajecca z albuminam — białkom, jaki źmiaščajecca ŭ syrovatcy kryvi i sintezujecca ŭ piečani. Da ich taksama dałučyli nievialiki frahmient DNK, jaki ŭzmacniaje imunnuju reakcyju.
Kompleks antycieła-farbavalnik byŭ nazvany AlbiVax (ad anhł. Albumin-binding vaccine). Paśla injekcyi AlbiVax źviazvajecca z syrovatačnym białkom i dastaŭlajecca im u limfatyčnyja vuzły, dzie adbyvajecca aktyvacyja limfacytaŭ.
Preparat pratestavali na niekalkich typach puchlin, u tym liku na raku tymusu ŭ myšej. Siemiarym žyviołam rabili try injekcyi ź intervałam u dva tydni pamiž kožnaj. Na 70 dzień ekśpierymientu vakcynavanym hryzunam ŭkaranili puchlinnyja kletki. Praz čatyry miesiacy ŭ žyvych zastalisia piać myšej. Hetym žyviołam pryščapili jašče adnu dozu rakavych kletak, i praz šeść miesiacaŭ vyžyli čatyry hryzuny. Ekśpierymienty na myšach z rakam lohkich pakazali, što nanavakcyna spryjaje poŭnaj rehresii puchlin.
Ciapier čytajuć
Na Alaksandru Hierasimieniu napali ŭ centry Varšavy23
Kamientary