Prahrama «Viaskoŭcy» telekanała «Biełsat» naviedała sielskich artystaŭ ź vioski Płastok Lubanskaha rajonu. Hieroi vydańnia — čalcy samadziejnaha kalektyvu «Bieražnica» — žyvuć jak adna siamja, dapamahajučy adno adnamu i pole abrabić, i zakałoć parsiučka.
Ščyryja patryjoty svajoj małoj radzimy pračytali vierš, pryśviečany rodnaj vioscy, praśpiavali daŭniejšyja šlahiery dy raskazali, jak časta davodzicca im razdavać aŭtohrafy dy adbivacca ad prychilnikaŭ ichnaj tvorčaści.
Viadoŭca Viktar Šukiełovič vyśviatlaŭ taksama, jak adčuvaje siabie ŭ kalektyvie adziny mužčyna i ci dbajuć pra jaho kalažanki.
Amatary narodnaj pieśni ŭzhadali, jak u ichnaj vioscy źjaviŭsia pieršy televizar, što daŭniej zamianiała miasarubku, u čym nasili dziaciej u les, i patłumačyli, što takoje «pranik» dy jak «pałać harbuziki».
Nie abyšłosia i bieź viasiołych pokazak pra toje, jak dziaŭčyna pierabłytała palena z karovaj, jak daŭniej «vała na duba ciahnuli», siejali sol dy źbiralisia lacieć na pieŭni ŭ Maskvu.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy11
Kamientary