Były staršynia Viarchoŭnaha Savieta Siamion Šarecki ŭ ZŠA łović rybu, haduje ŭnukaŭ i piša knihi
«Narodnaja vola» nadrukavała vialiki materyjał pra staršyniu Viarchoŭnaha Savieta 13-ha sklikańnia Siamiona Šareckaha, jaki paśla procistajańnia z Alaksandram Łukašenkam emihravaŭ u 2001 h. u ZŠA, atrymaŭ hramadzianstva.
Ciapier 81-hadovy sp. Šarecki žyvie z žonkaj, starejšym synam i ŭnukami ŭ Kalifornii ŭ horadzie Liviermor. Piša knihi, supracoŭničaje z ruskamoŭnymi hazietami Kliŭlenda, Sakramenta, San-Francyska.
«Ja pierajšoŭ na raślinnuju ježu. Miasnyja, małočnyja pradukty ŭsio vyklučana. Tolki harodnina, sadavina, ryba, chleb zamianiajuć arechi, avakada», — kaža Šarecki.
Siamja šmat padarožničaje. Lotali ŭ Majami, Łas-Viehas, byli ŭ Łos-Andželesie, jeździli ŭ Techas da małodšaha syna, u jakoha tam svoj dom.
Dom Šareckich znachodzicca ŭ Kalifornii na bierazie voziera. Siamion Hieorhijevič łović rybu.
«U nas piaciora ŭnukaŭ. Čaćviora majuć vyšejšuju adukacyju — bakałaŭry. Naš starejšy ŭnuk Siamion niadaŭna žaniŭsia, vyšła zamuž i naša starejšaja ŭnučka Valeryja, jaje viasielle adznačali na karabli… Pra nas kłapociacca. My ŭ hetaj krainie nie pracavali, ale nas zabiaśpiečyli dastojnym žyllom, hrašyma, miedycynaj — što jašče treba?» — kaža jon.
Šarecki vystupaje z dakładami pra dziejačaŭ biełaruskaj kultury i historyi ŭ kole navukovych rabotnikaŭ, niadaŭna siamja padaryła miascovaj pravasłaŭnaj carkvie ikonu Jefrasińni Połackaj. Napisaŭ knihu «Zadumvajučysia pra minułaje», što składajecca ź dźviuch častak: «Frahmienty z historyi SSSR» i «Epizody Druhoj suśvietnaj vajny».
Nastupnaja kniha - «Jany znajšli svoj supakoj na mohiłkach», Šarecki piša pra ludziej, čyje mahiły naviedaŭ: Janka Kupała, Jakub Kołas, Puškin, Turhienieŭ, Hieors Ots, Michaił Susłaŭ, Siarhiej Prytycki, Džordž Vašynhton, Džon Kieniedzi.
Šarecki zaznačaje, što vyviez u ZŠA ŭsiu svaju asabistuju biblijateku: piać šafaŭ knih.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary