Alaksandr Łukašenka pachvaliŭ jakaść małdaŭskaha vina, jakoje dehustavaŭ padčas vizitu ŭ Kišynioŭ. Pra heta jon raskazaŭ siońnia ŭ hutarcy z žurnalistami padčas subotnika, pieradaje BiełTA.
Kiraŭnik dziaržavy raskazaŭ, što pradehustavaŭ niekalki vidaŭ małdaŭskaha vina. «Miakkaje, dobraje vino», — adznačyŭ jon. Alaksandr Łukašenka padkreśliŭ, što małdaŭskaje vino vielmi dobraj jakaści. «Kali ich nie puścili na rasijski rynak, a Jeŭropa im nie adkryła svoj rynak, jany apynulisia ŭ kałapsu. I jany vymušanyja byli napružycca i vyrablać supiervino. Najvysokaj jakaści. Jany abnavili abstalavańnie, u ich źjavilisia novyja technałohii. I jany prapanavali vydatny varyjant vina», - raskazaŭ Łukašenka.
«Małdaŭskaje vino nam viadomaje. Nam treba naš narod bolš pryvučać da narmalnaha vina. Ad samahonki, ad hetych mocnych napojaŭ advučać. Ja nie suprać, kali ludzi 70-100 hram harełki praź dzień vypivajuć. Ale my ž nie ŭmiejem pa 70-100 hramaŭ. My ž kali siadziem, treba litr zalić mocnych napojaŭ za adzin raz. A zdaroŭja heta nie dadaje. Tamu treba pryvykać da jeŭrapiejskaha varyjantu spažyvańnia vinaŭ. Heta karysna, kali adzin-dva kielichi vina na dzień vypivaješ, ale mienavita jakasnaha «, - ličyć kiraŭnik dziaržavy.
Kamientary