«Sport-Ekspriess»: Kab «Zenit» učora vyjhraŭ, heta było b niespraviadliva
Spartovaje vydańnie vyjšła (numar pradajecca ŭ mienskich šapikach) na pieršaj pałasie z šapkaj: BATE -- «Hazprom» -- 1:1. I padzahałoŭkam: «Samy bahaty klub premjer-lihi cudam paźbieh parazy na svaim poli ad futbalistaŭ zavodu aŭtatraktarnaha elektraabstalavańnia».
Najbujniejšaje na prastorach byłoha SSSR spartovaje vydańnie vyjšła (hety numar pradajecca siońnia ŭ mienskich šapikach) na pieršaj pałasie z šapkaj: BATE – «Hazprom» – 1:1.
I padzahałoŭkam: «Samy bahaty klub [rasiejskaj] premjer-lihi cudam paźbieh parazy na svaim poli ad futbalistaŭ Barysaŭskaha zavodu aŭtatraktarnaha elektraabstalavańnia».
Ale heta nie ironija i pabłažlivaść z boku rasiejskich žurnalistaŭ.
Ahladalnik Ihar Rabinier tłumačyć:
«Pa-pieršaje, ad imia i pa daručeńni «SE» chacieŭ by prynieści vybačeńni pierad našymi čytačami. Ažno da ŭčarašniaha dnia my zhadvali pra futbolny klub Barysaŭskaha zavodu aŭtatraktarnaha elektraabstalavańnia niachaj z sympatyjaj... (...) ale ŭsio ž zamała. Pry tym, što heta - paŭnapraŭny ŭdzielniki Lihi čempijonaŭ, a značyć, jaki zasłuhoŭvaje da siabie takoha ž staŭleńnia, jak «Reał» ci «Staraja Sieńjora».
«Što naprykład, utrymała nas, žurnalistaŭ, ad kamandziroŭki ŭ Barysaŭ i stvareńnia takich ža materyjałaŭ pra niečakanaha supiernika pa hrupie - tym bolš fenomen BATE taho varty?
Vysakamiernaja ŭpeŭnienaść u tym, što traktary niaroŭnia pryrodnamu hazu, a adzin 30miljonny eŭra-Dani kaštuje daražej, čym usie futbalisty BATE, razam uziatyja?.Ci moža durnaja ŭpeŭnienaść u tym, što maleńki haradok na Biarezinie, dzie niekali adstupaŭ Napaleon, niedastojny ŭvahi na fonie vialikaha «Piatra tvareńnia»?
Ihar Rabinier daje adkaz na pastaŭlenaje samim saboj pytańnie:
«Nia viedaju. Zatoje viedaju druhoje: kluby, niesupastaŭnyja pa hrašach i mahutnaści vieličyniaŭ, «Hazpromu» i zavodu elektratraktarnaha abstalavańnia, zhulali ŭčora ŭničyju ŭ Piciery.
Bolš za toje, kab Zenit učora vyjhraŭ, heta, z majho punktu hledžańnia, było b navat niespraviadliva.Śmiełyja i, hałoŭnaje, piśmiennyja dziejańni hulcoŭ BATE u poŭnaj miery kampensavali indyvidualnuju pieravahu zenitaŭcaŭ. Biełarusy niby svajoj hulnioj kryčali, što žadajuć mnohaha dabicca ŭ futbole. A piciercy - što ŭžo dabilisia. Adčuvajecie roźnicu?. (...)
Niaŭžo niechta zaikniecca pra toje, što «Zenit» ABAVIAZANY byŭ heta matč vyjhravać? Zraŭniać lik - tak, pavinny byli. Ale nia bolš za toje», reziumuje ahladalnik «SE»
***
U siońniašniaj biełaruskaj versii Sport-Ekspriessu (jon drukujecca ŭ Miensku), matču Zenit - BATE adviedziena try staronki, u tym liku: spravazdača pra matč, paślamatčavaja hutarka ź Viktaram Hančarenkam, Paŭłam Niachajčykam, a taksama ekspertyza z halikperam zbornaj Biełarusi i FK «Maskva» Jurjem Žaŭnovym.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary