U Ašmianskim rajonie źjaviŭsia park zamkaŭ i kaściołaŭ časoŭ VKŁ, razdrukavanych na 3D-pryntary FOTY
Entuzijast ź Minska nadrukavaŭ na 3D-pryntary dziesiać značnych historyka-kulturnych abjektaŭ Hrodzienščyny. Maštab — 1:25. Pabačyć hetuju ekspazicyju možna ŭ vioscy Radzievičy Ašmianskaha rajona, paviedamlaje «Respublika».
Niekalki hadoŭ tamu minski ekskursavod i entuzijast Alaksandr Varykiš kupiŭ u paŭnočnym kutku Hrodzienščyny chutar sa 100-hadovym domam. Naležaŭ jon niekali šlachieckamu rodu Rakickich.
Bieź pieramohi ŭ prajekcie PRAAN «Sadziejničańnie raźvićciu na miascovym uzroŭni ŭ Biełarusi» zaduma Alaksandra naŭrad ci tak chutka stała b realnaściu. Ale dva hady tamu za jaho adnadušna prahałasavali aŭtary prajekta.
Ahułam Alaksandr atrymaŭ 17 tysiač dołaraŭ. Vialikaja častka pajšła na apłatu pracy rabotnikaŭ, ziemlanyja raboty, materyjały dla pracy 3D-pryntara, pasłuhi pa navučańni i rekłamnuju pradukcyju.
Mocny bok hetaha prajekta ŭ tym, što atrymałasia syści ad pasłuh madeleraŭ. Śpiecyjalisty ŭ halinie 3D-dyzajnu biaruć za svaju pracu niemałyja hrošy. Pryjšłosia brać uroki i płacić 25 dalaraŭ za hadzinu navučańnia. U vyniku ŭ 41 hod Alaksandr asvoiŭ novuju śpiecyjalnaść — 3D-madeler. Ciapier z dapamohaj dronaŭ zdymaje historyka-kulturnyja abjekty, potym z dapamohaj kampjutarnych technałohij ŭsia infarmacyja ab abjekcie kanviertujecca ŭ 3D-farmat.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary