Dziaržaŭnaja hazieta: Samavolnaja ŭstanoŭka kryžoŭ — nieprystojnaja sprava
Łukašenkaŭskija ŚMI praciahvajuć publikavać «dopisy z abureńniem» adnosna pratestaŭ suprać adkryćcia restarana z saŭnami na miažy Kurapat. Čarhovy taki materyjał apublikavała «Minskaja praŭda». Jaho aŭtar — palitołah ź Biełaruskaha nacyjanalnaha techničnaha ŭniviersiteta Alaksiej Bialajeŭ.
«Nieprystojna. Paskudna. Brydka… Takija słovy sami prosiacca na jazyk, kali havorka zachodzić pra situacyju, jakaja skłałasia vakoł miesca, jakoje staŭ šyroka viadomym 30 hadoŭ tamu, — piša vydańnie. — U apošnija hady niezadavalnieńnie «palityčnych niekrafiłaŭ» stali vyklikać sproby pabudavać pobač z uročyščam roznyja sacyjalnyja abjekty, naprykład, ofisnyja budynki abo restaranny kompleks, — piša Bialajeŭ. — Niahledziačy na toje što abjekty ŭzvodziacca całkam aficyjna, nie na miescy pachavańnia i nie ŭ achoŭnaj zonie, psieŭdaabaroncy Kurapat raspaŭsiudžvajuć iłžyvuju infarmacyju i ładziać zusim užo nieprystojnyja spravy, jakija majuć, darečy, całkam vyraznyja aznačeńni ŭ Kryminalnym kodeksie. Inakš jak možna rascanić błakavańnie prajeznaj častki? Łajanku i abrazy, jakimi tak zvanyja pikietoŭcy palivajuć naviedvalnikaŭ restarana? Abo samavolnaje ŭstalavańnie kryžoŭ u achoŭnaj zonie ŭročyšča, heta značyć parušeńnie jaho cełasnaści, dy jašče ŭ žyvym internet-efiry, z raźlikam na abaviazkovy skandał?» — aburajecca aŭtar łukašenkaŭskaj haziety.
«Pamiatać pra achviary, biezumoŭna, važna, — piša Bialajeŭ. — I dziaržava daŭno ŭziała kurs na ŭviekaviečańnie pamiaci ab ich: vydzielena finansavańnie, aktyŭna raspracoŭvajecca i rychtujecca da ŭstalavańnia pamiatny znak, pravodziacca subotniki pa dobraŭparadkavańni terytoryi. Kurapaty pavinny stać miemaryjałam, miescam cichaha smutku, a zusim nie arenaj palityčnaha cyrka i pryvatyzavanaj marhinalnymi apazicyjnymi palitykami placoŭkaj dla pierformansaŭ», — piša Bialajeŭ.
Alaksiej Bialajeŭ i raniej uvachodziŭ u hrupu palitołahaŭ, jakich publikavali dziaržaŭnyja ŚMI i ŭvieś čas zaprašali na tok-šou telekanałaŭ.
Źviartaje ŭvahu, što za dva dni paśla publikacyi artykuł Bialajeva pračytali 12 (dvanaccać) čałaviek. Adpaviednaja statystyka dastupnaja na sajcie haziety.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?5
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2929
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama29
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2828
Kamientary