Stała viadoma pra jašče adzin kanflikt u Minsku z pasažyrami mašyny ź simvolikaj «DNR»
«Naša Niva» pisała pra historyju sa źbićciom prychilnika «ruskaha śvietu» Sierhieja Łanavienki. Pavodle jaho słovaŭ, kala handlovaha centra «Moma» ŭ Minsku jamu pierapała za majku «DNR». Jon śćviardžaje, što jamu pry hetym byli naniesienyja cialesnyja paškodžańni. Praŭda, čamuści niama fota hetaha, što daje padstavy ŭsumnicca ŭ praŭdzivaści śćvierdžańniaŭ Łanavienki.
Źbirajučy infarmacyju pra toje, što ž sapraŭdy adbyłosia kala «Moma», «Naša Niva» raskapała, što, pa supadzieńni, na hetym ža miescy ŭ pačatku maja 2018 hoda adbyłasia inšaja sutyčka anałahičnaha charaktaru.
Kala «Moma» pryparkavałasia mašyna, zaviešanaja impierskaj simvolikaj, u tym liku ściahami sieparatystaŭ Danbasa. U mašynie siadzieła siamiejnaja para siarednich hadoŭ. Małady chłopiec, žychar Minska, jaki prachodziŭ pobač, plunuŭ na łabavoje škło mašyny. Para vyjšła, pačałasia słoŭnaja pierapałka.
Mužyk schapiŭ chłopca za hrudki, nanios udar, ale chłopiec akazaŭsia dužejšym. Prychilnik rasijskich impierskich idej zastaŭsia sa złamanym palcam.
Chłopiec jašče i adździor z mašyny niekalki nalepak.
Udzielniki kanfliktu vyklikali milicyju. Pry prahladzie kamier videanazirańnia vyśvietliłasia, što pieršym nanios udar mužčyna z mašyny. Tamu, u vypadku raźbiralnictva, za «chulihanstva» da adkaznaści byli b pryciahnutyja abodva. Tamu paciarpieły vyrašyŭ zajavy nie pisać.
«Moma» — heta vialiki handlovy centr na vyjeździe ź Minska na Mahiloŭskuju šašu.
U internecie vykazvalisia mierkavańni, što Rasija moža vykarystać takija incydenty jak padstavu dla ŭzmacnieńnia cisku na ŭłady Biełarusi.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary