Tolki 14% staličnych školnikaŭ majuć pieršuju hrupu zdaroŭja, heta značyć absalutna zdarovyja, paviedamiła «Minsk-Navinam» hałoŭny pazaštatny śpiecyjalist pa miedycynskim zabieśpiačeńni dziaciej u arhanizavanych kalektyvach kamiteta pa achovie zdaroŭja Minharvykankama Aksana Picevič.
— Druhuju hrupu zdaroŭja majuć 64% minskich školnikaŭ, treciuju - 20%, čaćviortuju — 2%, — adznačyła A. Picevič. — Pry hetym, kali ŭ pačatkovaj škole z druhoj hrupaj zdaroŭja 66% navučencaŭ, to va ŭzroście 14-18 hadoŭ - užo 61%.
Da viedama, dzieci ź pieršaj hrupaj zdaroŭja całkam zdarovyja, z druhoj - ź nievialikimi adchileńniami (niama chraničnych chvarob, ale jość funkcyjanalnyja parušeńni, naprykład lišniaja vaha, sasłableny zrok). Taksama daktary staviać dziciaci druhuju hrupu zdaroŭja, kali jon časta chvareje na vostryja reśpiratornyja infiekcyi. Da treciaj hrupy zdaroŭja adnosiacca dzieci z chraničnym zachvorvańniami, da čaćviortaj — dzieci-invalidy.
- Siarod zachvorvańniaŭ staličnych školnikaŭ lidzirujuć chvaroby orhanaŭ dychańnia, na druhim miescy — chvaroby orhanaŭ zroku, na trecim — traŭmy, atručvańni, na čaćviortym - chvaroby kaściova-myšačnaj sistemy. Piaty radok zajmajuć chvaroby skury i padskurnaj klatčatki (ekzema, psaryjaz i inš.), - patłumačyła A. Picevič.
Ciapier čytajuć
Pačobut parazvažaŭ, ad čaho zaležyć budučynia Biełarusi9
Kamientary