Na novaj «tryumfalnaj arcy» ŭ Mahilovie paviesili orden Lenina FOTAFAKT
Mahiloŭskuju «tryumfalnuju arku» rychtujuć da zdačy — paśla 1,5 hoda budoŭli i šmatlikich prośbaŭ uładaŭ skinucca na hetuju budoŭlu. Užo nie sakret, što arku ŭ honar 750-hodździa Mahilova zdaduć da V Forumu rehijonaŭ Biełarusi i Rasii.
Na hetym tydni tam ŭstalavali kopii dvuch ordenaŭ (Vialikaj ajčynnaj vajny i Lenina).
Pravaabaronca i žurnalist Alaksandr Burakoŭ vyrašyŭ vyśvietlić, čamu tak vyjšła. Jon źviarnuŭsia va ŭpraŭleńnie architektury i budaŭnictva, a taksama va ŭpraŭleńnie kultury Mahiloŭskaha harvykankama:
— Mnie stała cikava, chto prymaŭ rašeńnie ab ustalavańni na arku ordena Lenina ź jaho partretam i pa jakich kryterach vyznačalisia patrebnyja dekaratyŭnyja elemienty. Składvajecca adčuvańnie, što horad za 750 hadoŭ svajoj historyi nie moža pachvalicca ničym, akramia savieckaha pieryjadu, — raspavioŭ Burakoŭ.
Pavodle jaho, upraŭleńnie kultury dasłała adkaz užo na nastupny dzień. Zhodna z pazicyi čynoŭnikaŭ, «pytańni ab ujaznoj arcy ŭ horad Mahiloŭ, vykładzienyja ŭ elektronnym zvarocie hramadzianina, nie ŭvachodziać u kampietencyju ŭpraŭleńnia kultury Mahiloŭskaha harvykankama».
Zaraz Burakoŭ čakaje adkaz z upraŭleńnia architektury i budaŭnictva. Pry hetym jon ličyć dziŭnym, što čynoŭniki, adkaznyja za kulturu, nijak nie źviazanyja ź vizualnym afarmleńniem ujezdu ŭ horad.
Akramia taho, jaho biantežyć toj fakt, što ordenam Lenina sam Mahiloŭ uznaharodžany nikoli nie byŭ — u 1967 hodzie ŭznaharodu nadali ŭsioj Mahiloŭskaj vobłaści.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary