Papa Francysk padčas vizitu na Sicyliju vystupiŭ sa zvarotam da členaŭ mafii, paklikaŭšy ich admovicca ad złačynstvaŭ i hvałtu, piša bbc.com.
U svajoj pramovie Papa skazaŭ, što členy arhanizavanaj złačynnaści, mnohija ź jakich chodziać u carkvu i adkryta demanstrujuć svaju relihijnaść, «nie mohuć vieryć u Boha i być mafijozi» adnačasova.
Jon źviarnuŭsia da ich, vykarystoŭvajučy słovy «darahija braty i siostry».
Papa prybyŭ u Palerma, stalicu Sicylii, kab ušanavać pamiać ajca Džuzepe «Pina» Pulizi. Jaho zabiła mafija ŭ 1993 hodzie paśla taho, jak jon ustupiŭ u adkrytaje supraćstajańnie z arhanizavanaj złačynnaściu, što kantralavała horad. U 2013 hodzie jon byŭ zaličany da pakutnikaŭ.
«Mafija nie žyvie pa-chryścijansku, bo svaim ładam žyćcia idzie suprać Boha i hrašyć», - skazaŭ Papa ŭ časie kazani, pasłuchać jakuju ŭ partovym rajonie Palerma sabralisia 80 000 čałaviek.
«Ja kažu členam mafii: źmianiajciesia, braty i siostry! Chopić dumać pra siabie i pra svaje hrošy. Źviernieciesia da praŭdzivaha Boha, Isusa Chrysta, darahija braty i siostry», - skazaŭ pantyfik.
Džuzepe «Pina» Pulizi vykryvaŭ u svaich kazaniach mafiju. Jon słužyŭ u biednym rajonie Brankačy, jaki tady kantralavała siamja Hraviana.
Jon dapamahaŭ miascovaj moładzi ŭładkoŭvać žyćcio, nie patrapiŭšy ŭ šerahi złačynnych hrupovak, zaklikaŭ viernikaŭ dapamahać palicyi, adchilaŭ achviaravańni hanhsteraŭ i zabaraniaŭ im udzielničać u tradycyjnych vuličnych relihijnych pracesijach.
Jaho zabojstva zamovili miascovyja bosy mafii Filipa i Džuzepe Hraviana. Šeść arhanizataraŭ i vykanaŭcaŭ zabojstva pryznali vinavatymi ŭ 1998 hodzie. Amal usie jany atrymali pažyćciovyja terminy.
-
Tak receptaŭ biełaruskich straŭ jašče nichto nie zdymaŭ VIDEA
-
«Šanoŭnyja siabry, dziakuju vam za padtrymku». Rasijski błohier Illa Varłamaŭ u intervju zhadaŭ Biełaruś i biełaruskuju movu
-
Błohierka, što pierajechała ź Piciera pad Minsk, skardzicca, što nivodzin zabudoŭščyk nie źviarnuŭsia da jaje pa rekłamu
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary