Aŭstralijskaja avijakampanija Qantas zajaviła, što razhladaje mahčymaść zrabić trenažornyja zały na samalotach, jakija buduć ažyćciaŭlać płanavyja biespasadačnyja pieraloty pamiž Łondanam i Sidnejem, piša Bi-bi-si.
Taksama kampanija razhladaje mahčymaść adkryć na borcie samalota, jaki budzie lacieć 20 hadzinaŭ, bar, spalnyja zony z łožkami.
Avijakampanija choča zapuścić pasłuhu da 2022 hoda i paprasiła Boeing i Airbus prapanavać samaloty dla maršrutu.
Hałoŭny vykanaŭčy dyrektar Ałan Džojs skazaŭ BBC, što ŭpeŭnieny ŭ popycie na pieralot.
«Biznesmieny i prostyja pasažyry buduć mieć upeŭnienaść u tym, što dalaciać pramym rejsam, im nie pryjdziecca spyniacca, nie spatrebiacca pierasadki, kali niešta moža pajści nie tak, zekanomleny takim čynam čas taksama vielmi važny», — adznačyŭ jon.
U sakaviku avijakampanija pačała biespasadačny palot pamiž Łondanam i Piertam (Zachodniaja Aŭstralija), rejs doŭžycca bolš za 17 hadzin.
Adnak, pavodle jaho słoŭ, pakul nie isnuje samalota, jaki moh by pralacieć z Łondana ŭ Sidnej biez pasadak.
Qantas razhladaje Airbus A350-1000 dla palotu, ale samalot patrabuje «madyfikacyi», bo jamu «nieabchodna krychu bolš palotnaja adlehłaść».
Kampanija razhladaje dla maršrutu i novuju viersiju Boeing's 777, jakuju pavinny vypuścić da 2022 hoda.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski
Kamientary