Narodnyja prykmiety raspaviadajuć, jakoj budzie zima i ci budzie śnieh na Novy hod
Jak raspaviała Tut.by etnołah i falkłaryst Alena Doŭnar-Zapolskaja kaža: kali mierkavać pa prykmietach, to zima budzie kłasičnaj — nie surovaj.
— Pakroŭ byŭ dobry, značyć, pakul śniehu nie budzie. Dy i ŭ cełym zima nie pavinna być surovaj, bo sioleta było niašmat rabiny. Jość jašče takaja prykmieta: kali da vierchu jołki bolš šyšak, to heta da marozu. A šyški byli raźmierkavany pa drevie, unizie jany taksama byli, značyć, možna mierkavać, što zima budzie zvyčajnaja.
Śniahir pakul taksama nie śvišča, a heta značyć, što chaładoŭ nie budzie, — kaža jana. — U bolšaści svajoj dla nas charakterna, što marazy pačynajucca da Vadochryšča, potym nabirajuć siłu, prachodziać — i ŭ lutym heta ŭsio sprava pačynaje zhasać. Ale ŭspyški mohuć być u sakaviku.
Śniehu na Novy hod, kali vieryć prykmietam, taksama nie budzie. Heta vyznačajuć pa 4 listapada, pa dni Kazanskaj ikony Božaj Maci.
- Va ŭsich uschodnich narodaŭ kazali tak: što Kazanskaja pakaža, toje i zima skaža. Kazanskaja u nas była bieź śniehu, było absalutna spakojnaje vosieńskaje nadvorje ź nievialikim pachaładańniem. Časam na hety dzień hladzieli pa starym styli, a jon vypadaje na 17 listapada. I atrymlivajecca, što hety dzień taksama byŭ taki ž.
8 listapada byŭ Dźmitryjeŭ dzień, a jon taksama byŭ nie śniežny, značyć, śniehu da Novaha hoda nie budzie.
Pa niekatorych dniach u dalejšym taksama možna sprahnazavać zimu. Naprykład, 21 listapada, u sieradu, budzie Michajłaŭ dzień. I kali ŭ hety dzień budzie doždž i ciapło, to 19 śniežnia, u dzień Mikoły zimovaha, budzie maroz.
Pieršyja try dni śniežnia taksama vyznačajuć prahnoz nadvorja. Pa 1 śniežnia hladziać, jakoj budzie zima, pa 2 śniežnia - viasna i sienakos, a 3 śniežnia - žnivo. 9 śniežnia budzie zimovy Juryj. Pa hetym dni taksama možna vyznačyć, jakim budzie śniežań.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary