U Minsku pačynaje dziejnaść biełaruskamoŭny «Dziciačy Kłub»

U Minsku raspačynaje dziejnaść #DziciačyKlub. Heta sieryja raźvivalna-zabaŭlalnych zaniatkaŭ dla dzietak, a taksama śpiektakli, śviaty i cikavyja hości. 

Pavialičyć

Zaniatki prachodziać na biełaruskaj movie ŭ interaktyŭnaj formie z hulniami, tvorčymi i teatralnymi majstar-kłasami, navukovymi i histaryčnymi daśledavańniami.

Pieryjadyčna na zaniatki buduć zavitvać biełaruskija muzyki, paety i inšyja zorki.

#Dziciačyklub — heta:

— Biełaruskamoŭnaje asiarodździe i kamanda, što pracuje ŭ #DziciačymKlubie;

— Novyja znajomstvy dla vašych dzietak i baćkoŭ;

— Roznabakovaje raźvićcio: mova, žyvioły, teatr, historyja;

— Usie zaniatki dastupnyja dla dzietak, jakija jašče nie vałodajuć biełaruskaj movaj;

— Vyznačeńnie tvorčaj zacikaŭlenaści dziciaci;

— Raskryćcio tvorčaha patencyjału;

— Raźvićcio kamunikacyjnych navykaŭ;

— Mahčymaść pryniać udzieł u vynikovym śpiektakli. 

Rekamiendavany ŭzrost: 3 — 12 hod.

Pieryjadyčnaść zaniatkaŭ: raz na tydzień.

Praciahłaść zaniatku: 2 hadziny. 

Miesca praviadzieńnia: kafe «Hraj» (Internacyjanalnaja, 33)

Košt adnaho zaniatka — 20 BYN.

Abaniemient na čatyry zaniatki — 65 BYN.

Admysłovy plus abaniemienta ŭ tym, što možna abrać lubyja cikavyja zaniatki dla vašych dzietak, a taksama prapuskać zaniatki ŭ adnym miesiacy i dałučycca ŭ luby momant.

Pažadana mieć zručnuju vopratku i źmienny abutak dla dziciaci. 

Kantaktny telefon: 44 7696394

Raskład zaniatkaŭ:

1. 9 lutaha — Pryhožaje słova.

(Z dapamohaj hulniaŭ paznajomimsia ź dzietkami, daviedajemsia, što značyć ich imia, raspaviadziem pra siabie, svaje charaktary, namalujem svaje asacyjacyi da biełaruskich słovaŭ, paŭdzielničajem u treninhu-hulni — uvodziny ŭ teatr, a taksama pasłuchajem kazku dy paabmiarkoŭvajem, što ž takoje siabroŭstva).

2. 16 lutaha — Biełaruski krakadził.

(Zhulajem u krakadziła - pakažam žestami peŭny pradmiet. Pavučymsia ŭvažlivaści i kancentracyi na karocieńkich historyjach. Pasprabujem adčuć siabie žyviołkami. Namalujem lubimuju istotu. Zrobim teatralnyja eciudy pra žyviołak).

3. 23 lutaha — Razumieju emocyi.

(Adkul źjaŭlajucca i jak prajaŭlajucca emocyi? Jak ich razumieć? Pakažam mimikaj i namalujem svaju emocyju ŭ dadzieny momant. Pahulajem i parobim teatralnyja eciudy, pryśviečanyja emocyjam i stanam čałavieka) 

4. 2 sakavika — Historyja farby.

(Zhulajem u «Žest», na raźvićcio pamiaci i matoryki, daviedamsia, čym malavali raniej, adkul pačynalisia kolery, z čaho raniej rabili farby. Navučymsia malavać adnym koleram. Pazajmajemsia tematyčnymi teatralnymi eciudami).

• 0
• 0
• 0
• 0
• 0
• 0
• 0
• 0