Alaksandr Łukašenka 31 studzienia pravioŭ naradu, na jakoj abmiarkoŭvalisia novyja padychody ŭ zabieśpiačeńni infarmacyjnaj biaśpieki krainy. Na ŭsich fota- i videamateryjałach z narady vidać tolki adnu pałova stała. Pa levy bok ad Łukašenki siadziać kiraŭnica Administracyi prezidenta Natalla Kačanava, jahonaja pres-sakratarka Natalla Ejsmant, a taksama kiraŭniki najbujniejšych dziaržaŭnych ŚMI (ANT, STB, «SB», BT).
Druhuju pałovu stała nie pakazali nivodnaha razu. Možna zdahadacca, što z taho boku byŭ prynamsi načalnik infarmacyjna-analityčnaha ŭpraŭleńnia dziaržaŭnaha sakrataryjatu Rady biaśpieki Aleh Makaraŭ, jaki davaŭ kamientary pa vynikach narady. Mahčyma, tam byŭ niechta jašče ź siłavikoŭ, jakich nie ličać patrebnym pakazvać.
U kadr nie trapiŭ nichto z pradstaŭnikoŭ Ministerstva infarmacyi.
«Naša Niva» sprabavała daviedacca, chto siadzieŭ na naradzie pa pravuju ruku ad Łukašenki, adnak pres-słužba prezidenta była niedastupnaja dla kamientaroŭ.
Kamientary